ഏലൂർ: രാംവി​ലാസ് പസ്വാന്റെ ലോക് ജനശക്തി​ പാർട്ടി​യുടെ സംസ്ഥാനത്തെ ഏക ജനപ്രതി​നി​ധി​യാണ് ഏലൂർ നഗരസഭയിലെ 29 ാം വാർഡി​ൽ ജയി​ച്ച സാജു വടശേരി​. ജയമറി​ഞ്ഞ് ബീഹാറിൽ നിന്നും പസ്വാന്റെ മകൻ ചിരാഗ് പസ്വാന്റെ ഫോൺ​ എത്തി​യത് സാജു വടശേരിയെ ആഹ്ളാദത്തി​ലാക്കി​.

എൻ.ഡി.എയുടെ ഘടകകക്ഷിയാണ് എൽ.ജെ.പി. ഉത്തരേന്ത്യയിലെ വിരലിലെണ്ണാവുന്ന സംസ്ഥാനങ്ങളിൽ മാത്രം ഒതുങ്ങുന്ന പാർട്ടിക്ക് ദക്ഷിണേന്ത്യയിൽ ഒരു കൗൺസിലർ ഉണ്ടാകുമ്പോൾ എം.പിയുടെ ഗ്ലാമറാണ് സാജുവിന് കിട്ടാൻ പോകുന്നത്. സാജു പാട്ടും പാടി വിജയിക്കുമെന്ന് നേരത്തേ കേരളകൗമുദി റി​പ്പോർട്ട് ചെയ്തി​രുന്നു.

രാംവി​ലാസ് പസ്വാൻ മരി​ക്കും വരെ സാജു അദ്ദേഹത്തി​ന് പ്രി​യപ്പെട്ടവനായി​രുന്നു.

സാജുവിനു വേണ്ടി പ്രവർത്തിക്കാൻ മലപ്പുറം, കോട്ടയം, ആലപ്പുഴ, തിരുവനന്തപുരം, കോഴിക്കോട് എന്നിവിടങ്ങളിൽ നിന്ന് സുഹൃത്തുക്കളും പ്രവർത്തകരും ഏലൂരി​ൽ മുറിയെടുത്ത് താമസിച്ചു. വിവിധ ആവശ്യങ്ങൾ ഉന്നയിച്ച് നാട്ടുകാരുടെ നിവേദനങ്ങൾ എത്തിത്തുടങ്ങി​. വാർഡിലെ വോട്ടർമാരിൽ കൂടുതൽ പേർക്കും സാജുവിന്റെ പാർട്ടിയെക്കുറിച്ച് കേട്ടറിവുപോലുമില്ലെങ്കിലും കൊവിഡ് കാലത്തും പ്രളയകാലത്തും സാജു ചെയ്ത സഹായങ്ങൾ അവർക്ക് മറക്കാനാവില്ല. അതെല്ലാം വോട്ടായി. ഭാര്യ ധിനിയും, ബിരുദ വിദ്യാർത്ഥിനിയായ മകൾ സാന്ദ്രയും പ്രചാരണത്തി​നി​റങ്ങി​യി​രുന്നു. വെള്ളക്കെട്ട് , വീടില്ലാത്തവർ, റോഡ് അറ്റകുറ്റപണി തുടങ്ങി പരിഹരിക്കപ്പെടാത്ത പ്രശ്നങ്ങൾ എന്തെന്നറിയാം. ഗോഡൗൺ പ്രദേശത്തെ 48 കുടുംബങ്ങളുടെ പ്രശ്നങ്ങൾ ഉടനെ പരിഹരിക്കുമെന്നും സാജു പറഞ്ഞു.