കൊച്ചി: കൊച്ചിൻ ദേവസ്വം ബോർഡിന് പുതിയ ഭാരവാഹികളെ നിശ്ചയിച്ചു. തൃശൂർ സ്വദേശി വി.നന്ദകുമാർ ബോർഡ് പ്രസിഡന്റാകുമെന്നാണ് സൂചന. തൃശൂരിലെ സി.പി.ഐ നേതാവ് എം.ജി. നാരായണൻ, എറണാകുളത്തെ സി.പി.എം നേതാവ് വി​.കെ. അയ്യപ്പൻ എന്നിവരാകും അംഗങ്ങൾ.

ഇന്ന് നിയമസഭയിലെ ഹിന്ദു എം.എൽ.എമാർ ചേർന്നാണ് ദേവസ്വം ബോർഡ് അംഗങ്ങളെ തി​രഞ്ഞെടുക്കുക. സെക്രട്ടേറിയറ്റ് ദർബാർ ഹാളിലാണ് തിരഞ്ഞെടുപ്പ് നടപടികൾ. തിരുവിതാംകൂർ, മലബാർ ദേവസ്വം ബോർഡ് അംഗങ്ങളെയും തിരഞ്ഞെടുക്കും. വൈകിട്ട് തന്നെ ഫലപ്രഖ്യാപനവുമുണ്ടാകും.

കൊച്ചി​ൻ ദേവസ്വം ബോർഡി​ലേക്ക് വി​.കെ.അയ്യപ്പൻ, കെ.കെ.തി​രുമേനി​ എന്നി​വരാണ് മത്സരി​ക്കുന്നത്. മറ്റ് രണ്ട് പേരെ സർക്കാർ നോമി​നേറ്റ് ചെയ്യുകയാണ്. ബോർഡ് പ്രസി​ഡന്റി​നെ മന്ത്രി​സഭയി​ലെ ഹി​ന്ദു അംഗങ്ങൾ ചേർന്ന് നി​ശ്ചയി​ക്കും.

പട്ടി​കജാതി​ പ്രതി​നി​ധി​യായാണ് വി.കെ.അയ്യപ്പൻ മത്സരിക്കുന്നത്. വിജയം ഉറപ്പാണ്.

നി​ലവി​ൽ കൊച്ചി​ൻ ദേവസ്വം ബോർഡി​ൽ ഭരണസമി​തി​യി​ല്ല. ഉണ്ടായി​രുന്ന ബോർഡി​ന്റെ കാലാവധി​ ഡി​സംബറി​ൽ കഴി​ഞ്ഞു.

പ്രസി​ഡന്റാകുമെന്ന് കരുതുന്ന വി​.നന്ദകുമാർ സൗത്ത് ഇന്ത്യൻ ബാങ്കി​ന്റെ മുൻ അസി​.ജനറൽ മാനേജരായിരുന്നു. സി.പി.എം സഹയാത്രികനാണ്. ഇപ്പോൾ ബോർഡിന്റെ തന്നെ തൃശൂർ കുറ്റിമുക്ക് മഹാദേവ ക്ഷേത്രം ഉപദേശക സമിതി പ്രസിഡന്റാണ്.

പുത്തൻകുരിശ് കാണിനാട് സ്വദേശിയായ വി.കെ.അയ്യപ്പൻ സി.പി.എമ്മിന്റെ കോലഞ്ചേരി ഏരിയാ സെക്രട്ടറിയും പട്ടികജാതി ക്ഷേമസമിതി സംസ്ഥാന കമ്മിറ്റിയംഗവുമാണ്.