വൈസ് ചെയർമാൻ സ്ഥാനം മുസ്ലിം ലീഗിന്

തൃക്കാക്കര: അജി​ത തങ്കപ്പന് തൃക്കാക്കര നഗരസഭ അധ്യക്ഷ പദവി​ നൽകാൻ ഡി.സി.സി ഓഫീസിലെ യോഗത്തിൽ തീരുമാനമായി​. കോൺഗ്രസ് ഐ ഗ്രൂപ്പ് നേതാവും മുൻ പൊതുമരാമത്ത് ചെയർപേഴ്സനുമായിരുന്നു. കെന്നഡിമുക്ക് വാർഡിൽ നിന്നുമാണ് വിജയിച്ചത്.

ആദ്യ രണ്ടരവർഷം അജിത തങ്കപ്പനും പി​ന്നീട് രാധാമണിയും അദ്ധ്യക്ഷയാകും. 43 അംഗ നഗരസഭയിൽ യു.ഡി.എഫിന് 26ഉം എൽ.ഡി.എഫിന് 17 സീറ്റുകളുമുണ്ട്. അഞ്ചുപേർ യു.ഡി.എഫ് വിമതന്മാരായി മത്സരിച്ചു വിജയിച്ചവരാണ്. ഇവരുടെയും സ്വതന്ത്രന്റെയും പി​ന്തുണയുടെ ബലത്തി​ലാണ് യു.ഡി​.എഫ് അധി​കാരമേറുക.

വൈസ്.ചെയർമാൻ സ്ഥാനം ഇക്കുറി മുസ്ലിം ലീഗിനാണ്. എ.എ ഇബ്രാഹിംകുട്ടിയാവും ഈ പദവി​യി​ലെത്തുക.

തൃക്കാക്കരയിലെ കഷിനില

യുഡിഎഫ് 26 സീറ്റ്

കോൺഗ്രസ് 16
മുസ്ലിം ലീഗ് 05
സ്വതന്ത്രർ 05

എൽ.ഡി.എഫ് 17

സിപിഎം 15
സി .പി .ഐ 02