കൊച്ചി: ഷിഗല്ല ബാധിതയായി ചികിത്സയിലായിരുന്ന ചോറ്റാനിക്കര സ്വദേശി രോഗമുക്തയായി ഇന്നലെ ആശുപത്രി വിട്ടു. ഡിസംബർ 23 ന് ചികിത്സ തേടിയതാണിവർ.

രോഗബാധ റിപ്പോർട്ട് ചെയ്ത ഉടൻ തന്നെ ആരോഗ്യ വകുപ്പ്

ചോറ്റാനിക്കര പഞ്ചായത്തിൽ പ്രതിരോധ പ്രവർത്തനങ്ങൾ ശക്തിപ്പെടുത്തിയിരുന്നു.

രോഗബാധ കണ്ടെത്തിയ വീട്ടിലെ ഉൾപ്പെടെ പ്രദേശത്തെ കിണറുകളിലെ വെള്ളത്തിന്റെ സാമ്പിൾ പരിശോധനയ്ക്കായി അയച്ചിട്ടുണ്ട്. പരിശോധനാഫലം അടുത്ത ദിവസങ്ങളിൽ ലഭ്യമാവും. രോഗത്തിന്റെ ഉറവിടം കണ്ടെത്തുന്നതിന്റെ ഭാഗമായാണ് വെള്ളത്തിന്റെ സാമ്പിളുകൾ ശേഖരിച്ചത്. പ്രദേശത്തെ ഹോട്ടലുകളിലും ഭക്ഷണശാലകളിലും ആരോഗ്യ വകുപ്പും ഭക്ഷ്യസുരക്ഷ വകുപ്പും സംയുക്തമായി പരിശോധന നടത്തി വരികയാണ്.