ഇടുക്കി:തദ്ദേശ തിരഞ്ഞെടുപ്പ് പോളിങ് ഉദ്ദ്യോഗസ്ഥരെ കൊവിഡ് സ്‌ക്രീനിങ് നടത്തുന്നതിനും രോഗലക്ഷണമുള്ളവരെ ആന്റിജൻ പരിശോധനയ്ക്ക് വിധേയമാക്കുന്നതിനും ആരോഗ്യ വകുപ്പ് മെഡിക്കൽ സംഘത്തെ നിയോഗിച്ചു. പോളിങ് സാമഗ്രികളുടെ വിതരണ കേന്ദ്രത്തിൽ ഡിസംബർ ഏഴിന് മെഡിക്കൽ സംഘത്തിന്റെ സേവനം ലഭിക്കും. സെന്റ് സെബാസ്റ്റ്യൻ എച്ച് എസ്, തൊടുപുഴ (തൊടുപുഴ മുനിസിപ്പാലിറ്റി), ഓശാനം ഇ എം എച്ച് എസ് എസ്, കട്ടപ്പന( കട്ടപ്പന മുനിസിപ്പാലിറ്റി), സെന്റ് സെബാസ്റ്റ്യൻ യുപിഎസ്, തൊടുപുഴ (തൊടുപുഴ ബ്ലോക്ക്), സെന്റ് ജോസഫ്സ് എച്ച് എസ് എസ്, കരിമണ്ണൂർ (ഇളംദേശം ബ്ലോക്ക്), എം ആർ എസ്, പൈനാവ് (ഇടുക്കി ബ്ലോക്ക്), ഗവ. എച്ച് എസ്, അടിമാലി (അടിമാലി ബ്ലോക്ക്), ഗവ. വി എച്ച് എസ് എസ്, മൂന്നാർ (ദേവികുളം ബ്ലാക്ക്), സെന്റ് സെബാസ്റ്റ്യൻ എച്ച് എസ് എസ്, നെടുങ്കണ്ടം, (നെടുങ്കണ്ടം ബ്ലോക്ക്), മേരിഗിരി ഇ എം എച്ച് എസ് എസ്, കുട്ടിക്കാനം (അഴുത ബ്ലോക്ക്), സെന്റ് ഫെറോന പള്ളി പാരിഷ് ഹാൾ, കട്ടപ്പന (കട്ടപ്പന ബ്ലോക്ക്) എന്നീ വിതരണ കേന്ദ്രങ്ങളിലാണ് കോവിഡ് പരിശോധനാ സൗകര്യം ഒരുക്കിയിട്ടുള്ളതെന്ന് ജില്ലാ തിരഞ്ഞെടുപ്പ് ഓഫീസർ അറിയിച്ചു.