തൊടുപുഴ: സങ്കര വൈദ്യം പ്രോത്സാഹിപ്പിക്കുന്ന സർക്കാർ നയത്തിനെതിരെ ഇന്ത്യൻ മെഡിക്കൽ അസോസിയേഷന്റെ നേതൃത്വത്തിൽ കേരളത്തിലെ ഡോക്ടർമാർ ഇന്ന് രാവിലെ ആറു മുതൽ വൈകിട്ട് ആറ് വരെ ഒ.പി ബഹിഷ്‌കരിക്കും. KGMCTA, KGIMOA, KGMOA, KPMCTA തുടങ്ങി സർക്കാർ സ്വകാര്യ മേഖലയിലുള്ള എല്ലാ ഡോക്ടർമാരും ഈ സമരത്തിൽ പങ്കെടുക്കും. മുൻകൂട്ടി നിശ്ചയിച്ച എമർജൻസി അല്ലാത്ത ശസ്ത്രക്രിയകളും അന്നേ ദിവസം ഉണ്ടായിരിക്കുന്നതല്ല. അത്യാഹിതം വിഭാഗവും കൊവിഡ് ചികിത്സയും തടസം കൂടാതെ നടക്കും.