ചെറുതോണി: നാരുപാറ ശ്രീ അന്നപൂർണേശ്വരി ഭദ്രകാളി ഗുരുദേവക്ഷേത്രത്തിൽ ഭാഗവത സപ്താഹയജ്ഞം ഇന്ന് ആരംഭിക്കും.കൊവിഡ് കാലഘട്ടമായതിനാൽ ഇക്കൊല്ലത്തെ സപ്താഹ യജ്ഞം ആചാര്യ വിധി പ്രകാരം ക്ഷേത്ര ചടങ്ങുകൾ മാത്രമായി നിജപ്പെടുത്തി.
സപ്താഹ യജ്ഞത്തിന് മുന്നോടിയായി ഇന്ന് വൈകുന്നേരം 7 ന് എസ് എൻ ഡി പി യോഗം ഇടുക്കി യൂണിയൻ സെക്രട്ടറി സുരേഷ് കോട്ടയ്ക്കകത്ത് ഭദ്രദീപ പ്രകാശനം നടത്തും .ക്ഷേത്രം തന്ത്രി കുമാരൻ തന്ത്രികൾ അനുഗ്രഹ പ്രഭാഷണം നടത്തും .യൂണിയൻ പ്രസിഡന്റ് പി രാജൻ മുഖ്യപ്രഭാഷണം നടത്തും. യൂത്ത് മൂവ്‌മെന്റ് യൂണിയൻ പ്രസിഡന്റ് ബിനീഷ് കോട്ടൂർ പ്രസംഗിക്കും .തുടർന്ന് ആചാര്യവരണവും ഭാഗവത മഹാത്മ്യപ്രഭാഷണവും . തുടർന്നുള്ള ദിവസങ്ങളിൽ ഞായർ വരാഹ അവതാരം ,തിങ്കൾ നരസിംഹ അവതാരം ,ചൊവ്വ ശ്രീകൃഷ്ണ അവതാരം, ബുധൻ ഗോവിന്ദ പട്ടാഭിഷേകം ,വ്യാഴം രുഗ്മിണീ സ്വയംവരം ,വെള്ളി കുചേല സത്ഗതി. 26 ന് യജ്ഞം സമാപിക്കും . ജഗന്നാഥ വർമ്മ പുലിയന്നൂരാണ് യജ്ഞാചാര്യൻ. അഭിലാഷ് മാറാട് പത്മന രാജേഷ് എന്നിവർയജ്ഞ പരാണികർ.
പൂർണമായും കൊവിഡ് മാനദണ്ഡങ്ങൾ പാലിച്ചുകൊണ്ടു വേണം ഭക്തജനങ്ങൾ യജ്ഞത്തിൽ പങ്കെടുക്കേണ്ടതെന്ന് ശാഖാ യോഗം പ്രസിഡന്റ് സുരേഷ് ചീങ്കല്ലേൽ സെക്രട്ടറി വിമോദ് പാറയ്ക്കൽ എന്നിവർ അറിയിച്ചു.