കഞ്ഞിക്കുഴി: കഞ്ഞിക്കുഴി ശിവ സുബ്രഹ്മണ്യസ്വാമി ക്ഷേത്രത്തിലെ തിരുവുത്സവം 21 മുതൽ 26 വരെ നടക്കും. ബ്രഹ്മശ്രീ പറവൂർ രാകേഷ് തന്ത്രി മുഖ്യകാർമ്മികത്വം വഹിക്കും. എം. പുരുഷോത്തമൻ ശാന്തി,​ സജി ശാന്തി,​ വിജി ശാന്തി എന്നിവർ സഹ കാർമ്മികത്വം വഹിക്കും. കൊവിഡ് മാനദണ്ഡങ്ങൾക്ക് അനുസരിച്ചാവും തിരുവുത്സവം നടക്കുക. എല്ലാ ദിവസവും രാവിലെ അഞ്ചിന് പള്ളിയുണർത്തൽ,​ നിർമ്മാല്യദർശനം,​ ഉഷപൂജ,​ മഹാഗണപതി ഹോമം,​ പഞ്ചവിംശതി,​ കലശാഭിഷേകം,​ വിശേഷാൽ പൂജ,​ ഉച്ചപൂജ,​ വൈകിട്ട് ദീപാരാധന,​ മുളയിടൽ,​ അത്താഴപൂജ,​ ശ്രൂഭൂതബലി എന്നിവ നടക്കും. 21ന് വൈകിട്ട് ദീപാരാധനയ്ക്ക് ശേഷം ബ്രഹ്മശ്രീ പറവൂർ രാകേഷ് തന്ത്രിയുടെ മുഖ്യകാർമ്മികത്വത്തിൽ തൃക്കൊടിയേറ്റ് നടക്കും. തുടർന്ന് മുളയിടൽ,​ അത്താഴപൂജ,​ ശ്രൂഭൂതബലി എന്നിവ നടക്കും. 25ന് പതിവ് പൂജകൾ,​ വൈകിട്ട് ദീപാരാധന,​ അത്താഴപൂജ,​ ശ്രീഭൂതബലി,​ പള്ളിവേട്ട,​ തിരിച്ചെഴുന്നള്ളത്ത്, പള്ളിനിദ്ര.​ 26 ന് ആറാട്ട് മഹോത്സവം. രാവിലെ ആറിന് പള്ളിയുണർത്തൽ,​ മണ്ഡപത്തിൽ ഭഗവാന് വിശേഷാൽ അഭിഷേകം,​ വിശേഷാൽ പൂജകൾ,​ വൈകിട്ട് 4.30ന് ആറാട്ട് ബലി,​ ആറാട്ട് പുറപ്പാട്,​ തിരുവാറാട്ട്. ആറാട്ട് തിരിച്ചെഴുന്നള്ളത്തിന് ശേഷം പഞ്ചവിംശതി,​ കലശാഭിഷേകം,​ വിശേഷാൽ പൂജ,​ ദീപാരാധന,​ കൊടിയിറക്ക്.