തൊടുപുഴ : തൊടുപുഴ നിയോജക മണ്ഡലത്തിലെ സമഗ്ര കരട് വോട്ടർ പട്ടിക നവംബർ 16 ന് പ്രസിദ്ധീകരിച്ചിട്ടുണ്ട്. വോട്ടർ പട്ടിക പൊതുജനങ്ങൾക്ക് പരിശോധിക്കുന്നതിനായി നിയോജക മണ്ഡലങ്ങളുടെ പരിധിയിൽ വരുന്ന താലൂക്ക്,​ വില്ലേജ്,​ പഞ്ചായത്ത് ഓഫീസുകളിൽ പരസ്യപ്പെടുത്തി.2021 ജനുവരി ഒന്നിനോ അതിന് മുമ്പോ 18 വയസ് പൂർത്തിയായ അർഹരായ എല്ലാവർക്കും വോട്ടർ പട്ടികയിൽ പേര് ചേർക്കാം. കരട് വോട്ടർ പട്ടിക പരിശോധിച്ച് അന്തിമ വോട്ടർ പട്ടിക ജനുവരി 15 ന് പ്രസിദ്ധീകരിക്കും.