ഇടുക്കി:സപ്ലൈകോ രണ്ടാം വിള നെല്ല് സംഭരണത്തിനുളള രജിസ്‌ട്രേഷന് സപ്ലൈകോയുടെ ഓൺലൈൻ പോർട്ടൽ തുറന്നു. ഓൺലൈൻ രജിസ്‌ട്രേഷൻ 2021 ഫെബ്രുവരി 15 വരെയുണ്ടായിരിക്കുമെന്ന് സി എം ഡി അലി അസ്ഗർ പാഷ അറിയിച്ചു. രണ്ടാം വിള ചെയ്ത മുഴുവൻ കർഷകരും ഓൺലൈൻ രജിസ്‌ട്രേഷൻ നടത്തണം. ഓൺലൈൻ അപേക്ഷയുടെ പ്രിന്റ് എടുത്ത് കൃഷി ഭവനിൽ വീണ്ടും സമർപ്പിക്കേണ്ടതില്ല. ഉദ്യോഗസ്ഥർ ആവശ്യപ്പെടുന്ന പക്ഷം രേഖകൾ ഹാജരാക്കിയാൽ മതി. പാട്ട കർഷകർ പ്രത്യേക സത്യവാങ്മൂലം സമർപ്പിക്കേണ്ട. എന്നാൽ പാട്ടകൃഷി സംബന്ധിച്ച രേഖകൾ കൃഷിഭവനിൽ സമർപ്പിക്കണം. രജിസ്‌ട്രേഷൻ സംബന്ധിച്ച വിവരങ്ങൾ കേന്ദ്ര സർക്കാരിന് നൽകേണ്ടതിനാൽ നിശ്ചിത സമയപരിധിക്കുളളിൽ രജിസ്‌ട്രേഷൻ പൂർത്തിയാക്കണം.