കാസർകോട്: ജില്ലയിൽ 108 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 104 പേർക്കും വിദേശത്ത് നിന്നെത്തിയ നാലു പേർക്കുമാണ് രോഗം സ്ഥിരീകരിച്ചത്. 33 പേർക്ക് കൊവിഡ് നെഗറ്റീവായി.

22,091 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 20,764 പേർ രോഗമുക്തരായി. മരണപ്പെട്ടവരുടെ എണ്ണം 234 ആയി. 1093 പേരാണ് ജില്ലയിൽ ചികിത്സയിലുള്ളത്.

വീടുകളിൽ 7584 പേരും സ്ഥാപനങ്ങളിൽ 436 പേരുമുൾപ്പെടെ ജില്ലയിൽ നിരീക്ഷണത്തിലുള്ളത് 8020 പേരാണ്. പുതിയതായി 561 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1288 സാമ്പിളുകൾ കൂടി പരിശോധനയ്ക്ക് അയച്ചു. 290 പേരുടെ പരിശോധനാ ഫലം ലഭിക്കാനുണ്ട്.