ഇരിട്ടി: പുന്നാട് കുഴുമ്പിൽ ഭഗവതി ക്ഷേത്രത്തിൽ മോഷണം. ക്ഷേത്ര ശ്രീകോവിലിന്റെ പൂട്ട് പൊളിച്ച് അകത്തുകടന്ന് വിഗ്രഹത്തിൽ ചാർത്തിയ മൂന്ന് സ്വർണ്ണത്താലികൾ കവർന്നു. ക്ഷേത്രം ഓഫീസിന്റെ പൂട്ട് തകർത്ത് 5000 രൂപയും ഭണ്ഡാരം പൊളിച്ച് നാണയങ്ങളും കവർന്നിട്ടുണ്ട്. രാവിലെയെത്തിയ ഭക്തനാണ് ശ്രീകോവിൽ തുറന്ന് കിടക്കുന്നത് കണ്ടത്. വിരലടയാള വിദഗ്ധരും ഡോഗ് സ്‌ക്വാഡും പരിശോധന നടത്തി. നേരത്തെയും ക്ഷേത്രത്തിൽ മോഷണം നടന്നിരുന്നു.