കാസർകോട്: കാസർകോട് ജില്ലാപഞ്ചായത്തിൽ ശ്രദ്ധേയമായ പോരാട്ടം നടക്കുന്ന ഡിവിഷനുകളിലൊന്നാണ് ചെങ്കള. കഴിഞ്ഞ അഞ്ചു വർഷം യു.ഡി.എഫ് പ്രതിനിധിയായി ജില്ലാ പഞ്ചായത്ത് ഭരണത്തിൽ പങ്കാളിയായിരുന്ന ഷാനവാസ് പാദൂർ ഇടതുസ്ഥാനാർത്ഥിയായതാണ് ചെങ്കളയിലെ ട്വിസ്റ്റ്.

കോൺഗ്രസ് നേതാക്കളിലൊരാളായ ഷാനവാസിനെ പാളയത്തിൽ എത്തിച്ചത് യു.ഡി.എഫിന്റെ കോട്ടയായ ചെങ്കളയിൽ ഇടതുമുന്നണിക്ക് അവിചാരിത നേട്ടമായി. ദീർഘകാലം ചെമ്മനാട് ഗ്രാമ പഞ്ചായത്ത് പ്രസിഡന്റും മുതിർന്ന കോൺഗ്രസ് നേതാവുമായിരുന്ന പാദൂർ കുഞ്ഞാമു ഹാജിയുടെ മകനാണ് ഷാനവാസ് പാദൂർ. ചട്ടഞ്ചാൽ അർബൻ സഹകരണ സൊസൈറ്റിയുടെ പ്രസിഡന്റുമാണ്.

ചെങ്കള ഡിവിഷൻ പരിധിയിൽ വരുന്ന ബെണ്ടിച്ചാൽ ബ്ലോക്ക് പഞ്ചായത്ത് ഡിവിഷനിൽ നിന്നും വിജയിച്ച കാസർകോട് ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷനായിരുന്ന മുസ്ലിംലീഗിലെ ടി.ഡി കബീറാണ് യു.ഡി.എഫ് സ്ഥാനാർഥി. ചെമ്മനാട് തെക്കിൽ സ്വദേശിയായ കബീർ യൂത്ത് ലീഗ് ജില്ലാ സെക്രട്ടറിയുമാണ്. യുവമോർച്ച കാസർകോട് ജില്ലാ പ്രസിഡന്റ് ധനഞ്ജയൻ മധൂർ എൻ.ഡി.എ സ്ഥാനാർത്ഥിയായി മത്സരരംഗത്തുവന്നതോടെ യുവാക്കൾ തമ്മിലുള്ള ത്രികോണ പോരാട്ടമായി ചെങ്കള ഡിവിഷനിൽ. ധനഞ്ജയന്റെത് കന്നിയങ്കമാണ്.

ചെങ്കള പഞ്ചായത്തിലെ 16 മുതൽ 20 വരെയുള്ള വാർഡുകളും ചെമ്മനാട് പഞ്ചായത്തിലെ മൂന്ന് മുതൽ 18 വരെയുള്ള വാർഡുകളും ബേഡഡുക്ക പഞ്ചായത്തിലെ ഒന്ന്, രണ്ട്, 17 വാർഡുകളും മുളിയാർ പഞ്ചായത്തിലെ 10,11,12 വാർഡുകളും ഉൾപ്പെടുന്നതാണ് ചെങ്കള ഡിവിഷൻ. മൂന്ന് പഞ്ചായത്തുകൾ യു.ഡി.എഫും ബേഡഡുക്ക പഞ്ചായത്ത് ഇടതുമുന്നണിയുമാണ് ഭരിക്കുന്നത്. 2015 ലെ തിരഞ്ഞെടുപ്പിൽ 766 വോട്ടിന്റെ ഭൂരിപക്ഷത്തിന് യു.ഡി.എഫ് സ്ഥാനാർത്ഥി സുഫൈജയാണ് ഈ ഡിവിഷനിൽ നിന്ന് വിജയിച്ചത്.

സ്ഥാനാർത്ഥി മൊഴി

നാ​ടി​ന്റെ​ ​വി​ക​സ​ന​ത്തി​നാ​ണ് ​വോ​ട്ട് ​ചോ​ദി​ക്കു​ന്ന​ത്.​ ​ഡി​വി​ഷ​നി​ലെ​ ​ജ​ന​ങ്ങ​ളി​ൽ​ ​നി​ന്ന് ​ന​ല്ല​ ​പ്ര​തി​ക​ര​ണ​മാ​ണ് ​ല​ഭി​ക്കു​ന്ന​ത്.​ ​​ ​ഇ​ത് ​ആ​ദ്യ​മാ​യി​ ​ചെ​ങ്ക​ള​ ​ഡി​വി​ഷ​ൻ​ ​യു.​ ​ഡി.​എ​ഫി​ൽ​ ​നി​ന്ന് ​ന​ല്ല​ ​ഭൂ​രി​പ​ക്ഷ​ത്തോ​ടെ​ ​പി​ടി​ച്ചെ​ടു​ക്കാ​ൻ​ ​ക​ഴി​യു​മെ​ന്നാ​ണ് ​പ്ര​തീ​ക്ഷി​ക്കു​ന്ന​ത്.​ ​
ഷാ​ന​വാ​സ്‌​ ​പാ​ദൂ​ർ​ ​(​എ​ൽ.​ഡി.​എ​ഫ്)

ക​ഴി​ഞ്ഞ​ ​തി​ര​ഞ്ഞെ​ടു​പ്പി​നേ​ക്കാ​ൾ​ ​മി​ക​ച്ച​ ​ഭൂ​രി​പ​ക്ഷ​ത്തോ​ടെ​ ​​വി​ജ​യി​ക്കും​ ​എ​ന്നു​ത​ന്നെ​യാ​ണ് ​പ്ര​തീ​ക്ഷി​ക്കു​ന്ന​ത്.​ ​ബ്ലോ​ക്ക് ​പ​ഞ്ചാ​യ​ത്ത് ​മെ​മ്പ​റാ​യി​ ​ഈ​ ​ഡി​വി​ഷ​നി​ൽ​ ​ചെ​യ്ത​ ​നാ​ല​ര​ ​കോ​ടി​യു​ടെ​ ​വി​ക​സ​ന​ ​പ്ര​വ​ർ​ത്ത​ന​ങ്ങ​ൾ​ വോ​ട്ട് ​ചെ​യ്യു​മ്പോ​ൾ​ ​ജ​ന​ങ്ങ​ൾ​ ​പ​രി​ഗ​ണി​ക്കും​ ​എ​ന്ന​ ​വി​ശ്വാ​സ​മു​ണ്ട്
ടി​ .ഡി​ ​ക​ബീ​ർ​ ​(​ ​യു​ ​.ഡി​ ​.എ​ഫ് ​)​

പ്ര​ചാ​ര​ണം​ ​ന​ല്ല​ ​രീ​തി​യി​ൽ​ ​മു​ന്നോ​ട്ടു​പോ​കു​ന്നു​ണ്ട്.​ ​പ​ഞ്ചാ​യ​ത്തു​ക​ളി​ലെ​ ​ന​ഗ​ര​ങ്ങ​ളി​ലും​ ​കു​ടും​ബ​ ​സം​ഗ​മ​ങ്ങ​ളി​ലു​മെ​ല്ലാം​ ​മി​ക​ച്ച​ ​പ്ര​തി​ക​ര​ണം​ ​കി​ട്ടു​ന്നു​ണ്ട്.​ ​യു​വാ​ക്ക​ൾ​ ​അ​ട​ക്ക​മു​ള്ള​ ​വ​ലി​യൊ​രു​ ​വി​ഭാ​ഗം​ ​പി​ന്തു​ണ​യ്ക്കും.​ ​
ധ​ന​ഞ്ജ​യ​ൻ​ ​മ​ധൂ​ർ​ ​(​എ​ൻ​ .​ഡി​ .​എ​ )