കാസർകോട്: ജില്ലയിൽ തിങ്കളാഴ്ച 44 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 39 പേർക്കും വിദേശത്ത് നിന്നെത്തിയ ഒരാൾക്കും, ഇതരസംസ്ഥാനത്ത് നിന്നെത്തി നാല് പേർക്കുമാണ് കൊവിഡ് സ്ഥിരീകരിച്ചത്. 63 പേർക്ക് കൊവിഡ് നെഗറ്റീവായി.

ജില്ലയിൽ ഇതുവരെ 22,558 പേർക്കാണ് കോവിഡ് സ്ഥിരീകരിച്ചത്. 21,252 പേർ രോഗമുക്തരായി. നിലവിൽ 1066 പേരാണ് ചികിത്സയിലുള്ളത്. വീടുകളിൽ 7131 പേരും സ്ഥാപനങ്ങളിൽ 369 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 7500 പേരാണ്. പുതിയതായി 501 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം 155 പേരുടെ സാമ്പിളുകൾ കൂടി പരിശോധനയ്ക്ക് അയച്ചു. 70 പേരുടെ പരിശോധനാ ഫലം ലഭിക്കാനുണ്ട്.