രോഗമുക്തി 234 പേർക്ക്

കണ്ണൂർ: ജില്ലയിൽ തിങ്കളാഴ്ച 154 പേർക്ക് കൊവിഡ് ബാധ സ്ഥിരീകരിച്ചു. 137 പേർക്ക് സമ്പർക്കം മൂലമാണ് രോഗബാധ. ഒരാൾ ഇതര സംസ്ഥാനങ്ങളിൽ നിന്നെത്തിയവരും ആറു പേർ വിദേശങ്ങളിൽ നിന്നെത്തിയവരും 10 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 34,224 ആയി. ഇവരിൽ 234 പേർ തിങ്കളാഴ്ച രോഗമുക്തി നേടിയതോടെ രോഗം ഭേദമായവരുടെ എണ്ണം 30,991 ആയി. 2708 പേർ ചികിത്സയിലാണ്. ജില്ലയിൽ നിലവിൽ നിരീക്ഷണത്തിലുള്ളത് 21,216 പേരാണ്. ഇതിൽ 20735 പേർ വീടുകളിലും 481 പേർ ആശുപത്രികളിലുമാണ്.

ഇതുവരെ 3,18,984 സാമ്പിളുകൾ പരിശോധനയ്ക്ക് അയച്ചതിൽ 3,18,756 എണ്ണത്തിന്റെ ഫലം വന്നു. 228 എണ്ണത്തിന്റെ ഫലം ലഭിക്കാനുണ്ട്.