കാസർകോട്: ജില്ലയിൽ തദ്ദേശ സ്വയംഭരണ തിരഞ്ഞെടുപ്പിനുള്ള ഇലക്ട്രോണിക് വോട്ടിംഗ് യന്ത്രങ്ങൾ സ്ഥാനാർത്ഥികളുടെ പട്ടിക പതിക്കുന്നതിനായി ബ്ലോക്ക്/ നഗരസഭാ വരണാധികാരികൾക്ക് കൈമാറി. കളക്ടറേറ്റിലെ വെയർ ഹൗസിൽ നിന്നാണ് ഇന്നലെ രാവിലെ മുതൽ ഇ.വി.എം വിതരണം ചെയ്തത്.

ആറ് ബ്ലോക്കുകളിലേക്കായി 20 ശതമാനം റിസർവ് ഉൾപ്പെടെ 1547 കൺട്രോൾ യൂണിറ്റുകളും 4641 ബാലറ്റ് യൂണിറ്റുകളുമാണ് വിതരണം ചെയ്തത്. മൂന്ന് നഗരസഭകളിലേക്കായി റിസർവ് ഉൾപ്പെടെ 143 വീതം കൺട്രോൾ യൂണിറ്റുകളും ബാലറ്റ് യൂണിറ്റുകളുമാണുള്ളത്.