കണ്ണൂർ: മറ്റു ജില്ലകൾ കോൺഗ്രസിനെ കൈവിട്ടപ്പോൾ ആശ്വാസമായ കണ്ണൂരിലെ വിജയം ഉയർത്തിക്കാട്ടി കെ.പി.സി.സി പ്രസിഡന്റ് സ്ഥാനം പിടിക്കാൻ വർക്കിംഗ് പ്രസിഡന്റ് കെ. സുധാകരൻ എം.പി നടത്തുന്ന തന്ത്രങ്ങൾ പ്രതിരോധിക്കാൻ എ ഗ്രൂപ്പും ഐ ​ഗ്രൂ​പ്പി​ലെ ഒ​രു വി​ഭാ​ഗ​വും വേ​ണു​ഗോ​പാ​ൽ ഗ്രൂ​പ്പും ഒന്നിക്കുന്നു. കോൺഗ്രസ് സുധാകരന്റെ കൈയിലെത്തിയാൽ തങ്ങൾ അപ്രസക്തമാകുമെന്നാണ് ഇവരുടെ ആശങ്ക.കണ്ണൂർ കോ​ർപ്പ​റേ​ഷ​നി​ലെ വി​ജ​യ​ത്തി​ന്റെ ശിൽപ്പിയെന്ന നിലയിൽ നേതൃമാറ്റം ആവശ്യപ്പെട്ട് ഹൈക്കമാൻഡിനെ സമീപിക്കുമെന്ന് സുധാകരൻ പറഞ്ഞിരുന്നു. നേതാക്കൾക്ക് കഴിവില്ലാത്തതിനാലാണ് കോൺഗ്രസുകാർ ബി.ജെ.പിയിലേക്ക് പോകുന്നതെന്നും നേതൃമാറ്റം ഇല്ലെങ്കിൽ പാർട്ടിക്ക് പിടിച്ചു നിൽക്കാനാവില്ലെന്നും കെ.പി.സി.സി പ്രസിഡന്റ് മുല്ലപ്പ്ളള്ളി രാമചന്ദ്രനെതിരെ സുധാകരൻ രൂക്ഷ വിമർശനം നടത്തിയിരുന്നു. നേതൃമാറ്റം പരിഹാരമല്ലെന്ന് എ. ഐ.സി.സി ജനറൽ സെക്രട്ടറി കെ. സി. വേണുഗോപാലും തുറന്നടിച്ചിരുന്നു. നേതൃമാറ്റം ഇല്ലെങ്കിൽ നിയമസഭാ തിരഞ്ഞെടുപ്പിൽ പരാജയം ഇതിലും കനത്തതാവുമെന്നാണ് സുധാകര വിഭാഗം വിലയിരുത്തുന്നത്. സംഘടനയിൽ ചർച്ച ചെയ്യാതെ മുല്ലപ്പള്ളി പറയുന്നതൊന്നും കോൺഗ്രസിന്റെ നിലപാടല്ലെന്നും ശുപാർശയ്ക്കും വ്യക്തിതാത്പര്യങ്ങൾക്കും വഴങ്ങാത്ത നേതൃനിര വേണമെന്നും കെ.പി.സി.സി തലത്തിലും ജില്ലാതലത്തിലും അഴിച്ചുപണിക്ക് ഹൈക്കമാൻഡ് ഇടപെടണമെന്നുമാണ് ഇവരുടെ ആവശ്യം.

എന്നാൽ ഡൽഹിയിലുള്ള കെ.സി.വേണുഗോപാൽ ഒരു മുഴം മുമ്പേ ഹൈക്കമാൻഡിനെ കണ്ട് കാര്യങ്ങൾ അറിയിക്കാനാണ് നീക്കം.

അ​ഞ്ചു കോ​ർ​പ​റേ​ഷ​നു​ക​ളും യു​. ഡി​. എ​ഫി​നെ കൈ​വി​ട്ട​പ്പോ​ൾ ആ​ശ്വാ​സ​മാ​യ​ത് ക​ണ്ണൂ​ർ കോ​ർ​പ​റേ​ഷ​നാ​ണ്. താ​ൻ ക​ണ്ണൂ​രി​ൽ ക്യാമ്പ് ചെ​യ്താ​ണ് ഇ​തു സാ​ധി​ച്ച​തെ​ന്ന് കെ.​സു​ധാ​ക​ര​ൻ മാ​ദ്ധ്യ​മ​ങ്ങ​ളോ​ട് പ​റ​ഞ്ഞി​രു​ന്നു. ചി​ല യു​.ഡി​.എ​ഫ് നേ​താ​ക്ക​ളു​ടെ മ​ണ്ഡ​ല​ത്തി​ലെ പ​ഞ്ചാ​യ​ത്തു​ക​ളും ന​ഗ​ര​സ​ഭ​ക​ളും എ​ൽ​.ഡി​.എ​ഫ് പി​ടി​ച്ചെ​ടു​ത്തി​രു​ന്നു. ഇ​തി​നെ​തി​രേ​യു​ള​ള ഒ​ളി​യ​മ്പായിരു​ന്നു സു​ധാ​ക​ര​ന്റേ​ത്.

കെ.പി.സി.സി സ്ഥാനാർത്ഥികളെ നിർത്തി

ക​ണ്ണൂ​രി​ലെ സ്ഥാ​നാ​ർത്ഥി നി​ർ​ണ​യ​ത്തി​ൽ സുധാകരൻ തന്നോട് ആലോചിച്ചി​ല്ലെന്ന് മുല്ലപ്പള്ളിക്ക് പരാതിയുണ്ടായിരുന്നു. 13 ജി​ല്ലാ ക​മ്മി​റ്റി​ക​ളും കെ​.പി​.സി​.സി നി​ർ​ദ്ദേ​ശാ​നു​സ​ര​ണം പ്ര​വ​ർ​ത്തി​ച്ച​പ്പോ​ൾ ക​ണ്ണൂ​രി​ലെ സ്ഥാ​നാ​ർത്ഥി നി​ർ​ണ​യം കെ.​സു​ധാ​ക​ര​ന്റെ നി​ർ​ദ്ദേശ​പ്ര​കാ​ര​മാ​യി​രു​ന്നു. ചിലയിടത്ത് കെ. പി. സി. സി സ്ഥാനാർത്ഥികളെ നിർത്തിയെങ്കിലും സുധാകരന്റെ സമ്മർദ്ദത്തിൽ പിന്മാറേണ്ടി വന്നു.

വെ​ൽ​ഫെ​യ​ർ പാ​ർ​ട്ടി​യു​മാ​യി സ​ഖ്യം പാ​ടി​ല്ലെ​ന്ന് മു​ല്ല​പ്പ​ള്ളി പ​റ​ഞ്ഞ​പ്പോ​ഴും കണ്ണൂ​ർ ജി​ല്ലാ പ​ഞ്ചാ​യ​ത്തി​ലെ കോ​ൺ​ഗ്ര​സി​ന്റെ ഒ​രു സീ​റ്റ് വെ​ൽ​ഫെ​യ​ർ പാ​ർ​ട്ടി​ക്ക് കൊ​ട‌ു​ത്ത​തും കെ.​സു​ധാ​ക​ര​ന്റെ നി​ർ​ദ്ദേ​ശ​ത്തി​ലാ​ണ്. ക​ണ്ണൂ​രി​ലെ ഡി​.സി​.സി​യു​ടെ സ്ഥാ​നാ​ർ​ത്ഥി​ക​ൾ​ക്ക് മേ​ലെ കെ.​പി​.സി​.സി​ സ്ഥാ​നാ​ർ​ത്ഥി​ക​ളെ ഇറക്കി സു​ധാ​ക​ര​ന് മു​ല്ല​പ്പ​ള്ളി തി​രി​ച്ച​ടി നൽകി​യെ​ങ്കി​ലും കോ​ർ​പ​റേ​ഷ​നി​ലെ മി​ക​ച്ച വി​ജ​യം തങ്ങൾക്കുള്ള പ്ല​സ് മാ​ർ​ക്കാ​ണെന്നാണ് സുധാകര വിഭാഗം പറയുന്നത്.