മം​ഗ​ളൂ​രു:കണ്ണൂർ സ്വദേശികളും ബിസിനസുകാരുമായ ദമ്പതികളുടെ മകനെ തട്ടിക്കൊണ്ടു പോയി മോചന ദ്രവ്യം ആവശ്യപ്പെട്ട സംഘത്തെ ഇരുട്ടിന്റെ മറവിൽ മിന്നലാക്രമണത്തിലൂടെ കർണാടക പൊലീസ് കീഴടക്കി. വ്യാഴാഴ്ച രാവിലെ തട്ടിക്കൊണ്ടുപോയ കുട്ടിയെ ശനിയാഴ്ച പുലർച്ചെയാണ് ഒരു പോറൽപോലും ഏല്ക്കാതെ രക്ഷപ്പെടുത്തിയത്. ഏഴംഗ സംഘത്തെ അറസ്റ്റ് ചെയ്തു. മംഗളുരു ബ​ൽത്ത​ങ്ങാ​ടി​ ഉ​ജി​രെ​യി​ൽ മ​ല​യാ​ളി ബി​സി​ന​സു​കാ​രും കണ്ണൂർ സ്വദേശികളുമായ ബിജോയ് അറയ്കലിന്റെയും ശാരിതയുടെയും എട്ടുവയസുള്ള മകൻ അനുഭവിനെയാണ് തട്ടിക്കൊണ്ടുപോയത്. ബം​ഗ​ളൂ​രു ഇ​ല​ക്ട്രോ​ണി​ക്സ് സി​റ്റി​യി​ലെ കോ​മ​ൾ, ഇ​യാ​ളു​ടെ സു​ഹൃ​ത്ത് മ​ഹേ​ഷ്, മാ​ണ്ഡ്യ സ്വ​ദേ​ശി ഗം​ഗാ​ധ​ർ, കു​ട്ടി​യെ ഒ​ളി​പ്പി​ച്ച ​ വീ​ടി​ന്റെ ഉ​ട​മ മ​ഞ്ജു​നാ​ഥ് എ​ന്നി​വ​രും പേ​രു​വി​വ​ര​ങ്ങൾ വ്യ​ക്ത​മാ​യി​ട്ടി​ല്ലാ​ത്ത മൂ​ന്നു പേ​രു​മാ​ണ് അ​റ​സ്റ്റി​ലായത്. ഉ​ജി​രെ​യി​ലെ വീ​ടി​നു മു​ന്നി​ൽ ബിജോയിയുടെ പിതാവ് ശി​വ​ൻ നോക്കിനിൽക്കേയാണ് ബംഗ്ളൂരു രജിസ്ട്രേഷനിലുള്ള വെ​ള്ള ഇ​ൻ​ഡി​ക്ക കാ​റി​ലെ​ത്തി​യ സം​ഘം റോഡരികിൽ നിന്ന് കു​ട്ടി​യെ തട്ടി​ക്കൊ​ണ്ടു​പോ​യ​ത്. കുട്ടിയെ കോ​ലാ​ർ ജി​ല്ല​യി​ലെ ഉ​ൾപ്ര​ദേ​ശ​ത്തെ വീ​ട്ടി​ൽ ഒ​ളി​പ്പി​ച്ചശേഷം വെള്ളിയാഴ്ച രാവിലെ അനുഭവിന്റെ അമ്മ ശാ​രി​ത​യെ ഫോ​ണി​ൽ വി​ളി​ച്ച് 17 കോ​ടി രൂ​പ മോ​ച​ന​ദ്ര​വ്യ​മാ​യി ആ​വ​ശ്യ​പ്പെ​ട്ടു. ഹാർഡുവെയർ ബിസിനസുകാരനാണ് പിതാവ് ബിജോയ്. ബ​ൽ​ത്ത​ങ്ങാ​ടി പൊ​ലീ​സ് അ​ന്വേ​ഷ​ണം തു​ട​രവേ, സം​ഘാം​ഗം ശാ​രി​ത​യെ വീ​ണ്ടും വി​ളി​ച്ച് മോ​ച​ന​ദ്ര​വ്യം 100 ബി​റ്റ്കോ​യി​നായി നൽകാൻ ആവശ്യപ്പെട്ടു. പി​ന്നീ​ട് അ​ത് 20 ആ​യി കു​റ​ച്ചു. പണമായി നൽകുന്നെങ്കിൽ പ​ത്തു​കോ​ടി മ​തി​യെ​ന്നും പ​റ​ഞ്ഞു. പി​ന്നീ​ട് വി​ളി​ച്ച് 25 ല​ക്ഷം രൂ​പ​ അ​ടി​യ​ന്ത​ര​മാ​യി എ​ത്തി​ക്ക​ണ​മെ​ന്നായി. ഇ​തി​നി​ടെ ഫോൺ ലൊ​ക്കേ​ഷ​ൻ കോ​ലാ​ർ ജി​ല്ല​യി​ലാ​ണെ​ന്ന് പൊ​ലീ​സ് ക​ണ്ടെ​ത്തി​യി​രു​ന്നു. മാ​ലൂ​ർ താ​ലൂ​ക്കി​ലെ കൂ​ർമ​ഹൊ​സ​ഹ​ള്ളി എ​ന്ന ഗ്രാ​മ​ത്തി​ലെ വീ​ടാ​യി​രു​ന്നു ഇ​ത്.

ബിഗ് സല്യൂട്ട് പൊലീസ്

കു​ട്ടി​യു​ടെ സു​ര​ക്ഷി​ത​ത്വം മു​ൻനി​റു​ത്തി കോ​ലാ​ർ പൊ​ലീ​സി​ന്റെ സ​ഹാ​യ​ത്തോ​ടെ വീ​ട് ക​ണ്ടെ​ത്തി നിരീക്ഷണത്തിലാക്കി. സം​ഘം ഉ​റ​ക്ക​ത്തി​ലാ​യി​രിക്കേ ശനിയാഴ്ച പു​ല​ർ​ച്ചെ കെട്ടുറപ്പില്ലാത്ത വീടുവളഞ്ഞ് പൊ​ലീ​സ് ഇ​ര​ച്ചു​ക​യറുകയായിരുന്നു. ദ​ക്ഷി​ണ​ ക​ന്ന​ഡ ജി​ല്ലാ പൊ​ലീ​സ് മേ​ധാ​വി ബി.​എ​ൽ. ല​ക്ഷ്മി​പ്ര​സാ​ദും കോ​ലാ​ർ ജി​ല്ലാ പൊ​ലീ​സ് മേ​ധാ​വി കാ​ർ​ത്തി​ക് റെ​ഡ്ഡി​യും ഓ​പ്പ​റേ​ഷ​ന് നേ​തൃ​ത്വം ന​ല്‍​കി. കു​ട്ടി​യെ കു​ടും​ബത്തിന് കൈ​മാ​റി. ബിജാേയുടെ ബിസിനസ് അറിയാവുന്നവർ ആയിരിക്കാം തട്ടിക്കൊണ്ടുപോകലിന് പിന്നിലെന്നു കരുതുന്നു.

ബിറ്റ്കോയിൻ

ഇന്റർനെറ്റിലൂടെയുള്ള സാമ്പത്തിക ഇടപാടുകൾക്ക് ഉപയോഗിക്കുന്ന ഡിജിറ്റൽ നാണയം. ഇത് ലോഹ നിർമ്മിതമായ നാണയമോ കടലാസ് കറൻസിയോ അല്ല. ഒരു ബിറ്റ് കോയിൻ മൂല്യം 117,41,337.89 രൂപ.