148 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 50 പേർക്ക് കൂടി കൊവിഡ് സ്ഥിരീകരിച്ചു. 138 പേർ രോഗമുക്തി നേടി. മൂന്ന് ആരോഗ്യ പ്രവർത്തകർ ഉൾപ്പെടെ 148 പേർക്ക് സമ്പർക്കത്തിലൂടെയാണ് രോഗബാധ. 2 പേർ ഇതര സംസ്ഥാനത്ത് നിന്ന് എത്തിയതാണ്. 8 പേരുടെ സമ്പർക്ക ഉറവിടം ലഭ്യമല്ല.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 10895 ആയി. 9135 പേർ ഇതുവരെ രോഗമുക്തരായി. ചികിത്സയിലിരിക്കെ 70 മരണം. നിലവിൽ 1330 പേരാണ് ചികിത്സയിലുള്ളത്. ഇവരിൽ 728 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം ബാധിച്ചവർ
ബത്തേരി സ്വദേശികളായ 22 പേർ, മുട്ടിൽ 21 പേർ, വൈത്തിരി 12 പേർ, കൽപ്പറ്റ, പൂതാടി, തവിഞ്ഞാൽ സ്വദേശികൾ 11 പേർ വീതം, മേപ്പാടി 9 പേർ, മാനന്തവാടി 8 പേർ, പനമരം 7 പേർ, മീനങ്ങാടി, തരിയോട്, തിരുനെല്ലി, വെള്ളമുണ്ട 4 പേർ വീതം, കണിയാമ്പറ്റ, പടിഞ്ഞാറത്തറ, പൊഴുതന 3 പേർ വീതം, മൂപ്പൈനാട്, നെന്മേനി, പുൽപ്പള്ളി, വെങ്ങപ്പള്ളി, എടവക 2 പേർ വീതം, തൊണ്ടർനാട് സ്വദേശിയായ ഒരാൾ എന്നിവരാണ് സമ്പർക്കത്തിലൂടെ രോഗബാധിതരായത്. നവംബർ 22ന് ഡൽഹിയിൽ നിന്ന് എത്തിയ ബത്തേരി സ്വദേശി, നവംബർ 30ന് ബാംഗ്ലൂരിൽ നിന്ന് വന്ന പനമരം സ്വദേശി എന്നിവരാണ് ഇതര സംസ്ഥാനത്തു നിന്നെത്തി രോഗബാധിതരായവർ.

രോഗമുക്തർ
കൽപ്പറ്റ 15 പേർ, മേപ്പാടി 8 പേർ, തരിയോട് 5 പേർ, മാനന്തവാടി, ബത്തേരി, അമ്പലവയൽ, എടവക, തിരുനെല്ലി, തവിഞ്ഞാൽ, പൊഴുതന 4 പേർ വീതം, വെള്ളമുണ്ട, മുട്ടിൽ 3 പേർ വീതം, കണിയാമ്പറ്റ, കോട്ടത്തറ, പടിഞ്ഞാറത്തറ, മൂപ്പൈനാട് 2 പേർ വീതം, മീനങ്ങാടി, നൂൽപ്പുഴ, മുള്ളൻകൊല്ലി, നെന്മേനി, പനമരം എന്നിവിടങ്ങളിൽ ഓരോരുത്തരും, വീടുകളിൽ ചികിത്സയിലുള്ള 63 പേരുമാണ് രോഗമുക്തരായത്.

ഇന്നലെ നിരീക്ഷണത്തിലായത് 1240 പേർ

741 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 8743 പേർ

741 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1363 സാമ്പിളുകൾ

ഇതുവരെ അയച്ചത് 168475 സാമ്പിളുകൾ

ഫലം ലഭിച്ചത് 168245

157350 നെഗറ്റീവും 10895 പോസിറ്റീവും