കോഴിക്കോട്: സമഗ്ര ശിക്ഷാ കേരളയുടെ കല ഉത്സവ് -2020ന് ജില്ലയിലെ വിവിധ സ്‌കൂളുകളിൽ തുടക്കമായി. നടക്കാവ് ഗവ. ഹയർസെക്കൻഡറി സ്‌കൂളിൽ പ്രധാനാദ്ധ്യാപകൻ ജയകൃഷ്ണൻ ഉദ്ഘാടനം ചെയ്തു.

നടക്കാവ് യു.ആർ.സിക്ക് കീഴിലുള്ള വിദ്യാർത്ഥികൾക്കായി ഒമ്പത് ഇനങ്ങളിലാണ് മത്സരം നടത്തുന്നത്. നടക്കാവ് ഗവ.ഹയർ സെക്കൻഡറി സ്‌കൂൾ, കാരപ്പറമ്പ് ഗവ. ഹയർ സെക്കൻഡറി സ്‌കൂൾ, ബി.ഇ.എം സ്‌കൂൾ, സെന്റ് മൈക്കിൾസ് സ്‌കൂൾ എന്നിവിടങ്ങളിൽ ഓൺലൈനായാണ് മത്സരം. സ്‌കൂളുകളിലെ കാമറ ഉപയോഗിച്ച് പ്രത്യേകം പരിശീലനം നേടിയ ലിറ്റിൽ കൈറ്റ്‌സ് കുട്ടികളാണ് ഓൺലൈൻ മത്സരത്തിനായി ചിത്രീകരണം നടത്തുക. നടക്കാവ് യു.ആർ.സിയിലെ സ്‌പെഷലിസ്റ്റ് അദ്ധ്യാപകരാണ് നേതൃത്വം നൽകുന്നത്.