കൽപ്പറ്റ: വയനാട് ജില്ലയിൽ ഇന്നലെ 87 പേർക്ക് കൊവിഡ് സ്ഥിരീകരിച്ചു. 149 പേർ രോഗമുക്തി നേടി. രണ്ട് ആരോഗ്യ പ്രവർത്തകർ ഉൾപ്പെടെ 85 പേർക്ക് സമ്പർക്കത്തിലൂടെയാണ് രോഗബാധ. രണ്ട് പേർ ഇതര സംസ്ഥാനത്ത് നിന്നും, വിദേശത്ത് നിന്നും എത്തിയതാണ്. രണ്ട് പേരുടെ സമ്പർക്ക ഉറവിടം ലഭ്യമല്ല.
ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 12849 ആയി. 10779 പേർ ഇതുവരെ രോഗമുക്തരായി. ചികിത്സയിലിരിക്കെ 80 മരണം. നിലവിൽ 1990 പേരാണ് ചികിത്സയിലുള്ളത്. ഇവരിൽ 1443 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം ബാധി​ച്ചവർ
പുൽപ്പള്ളി സ്വദേശികളായ 23 പേർ, കൽപ്പറ്റ 13 പേർ, മാനന്തവാടി, ബത്തേരി 8 പേർ വീതം, മുള്ളൻകൊല്ലി 6 പേർ, മുട്ടിൽ, പനമരം, മേപ്പാടി, വെള്ളമുണ്ട മൂന്ന് പേർ വീതം, കണിയാമ്പറ്റ, തൊണ്ടർനാട് രണ്ട് പേർ വീതം, അമ്പലവയൽ, എടവക, കോട്ടത്തറ, മീനങ്ങാടി, മൂപ്പൈനാട്, നൂൽപ്പുഴ, പടിഞ്ഞാറത്തറ, തരിയോട്, തവിഞ്ഞാൽ, വേങ്ങപ്പള്ളി, വൈത്തിരി സ്വദേശികളായ ഓരോരുത്തരുമാണ് സമ്പർക്കത്തിലൂടെ രോഗബാധിതരായത്.

ഡിസംബർ 12ന് കർണാടകയിൽ നിന്ന് വന്ന മുള്ളൻകൊല്ലി സ്വദേശി, ഡിസംബർ നാലിന് സൗദി അറേബ്യയിൽ നിന്നു വന്ന നെന്മേനി സ്വദേശി എന്നിവരാണ് ഇതര സംസ്ഥാനത്തു നിന്നും വിദേശത്തു നിന്നുമെത്തി രോഗബാധിതരായത്.

രോഗമുക്തർ
കണിയാമ്പറ്റ സ്വദേശികളായ 22 പേർ, പൂതാടി 16 പേർ, കോട്ടത്തറ 13 പേർ, തരിയോട് 10 പേർ, പടിഞ്ഞാറത്തറ, എടവക 9 പേർ വീതം, മൂപ്പൈനാട് 8 പേർ, മീനങ്ങാടി 6 പേർ, കൽപ്പറ്റ, ബത്തേരി, മേപ്പാടി, തിരുനെല്ലി, വെള്ളമുണ്ട 5 പേർ വീതം, പൊഴുതന, മാനന്തവാടി, തവിഞ്ഞാൽ 4 പേർ വീതം, വെങ്ങപ്പള്ളി, പനമരം, പുൽപ്പള്ളി 3 പേർ വീതം, മുട്ടിൽ, നെന്മേനി, നൂൽപ്പുഴ 2 പേർ വീതം, കോട്ടയം, കണ്ണൂർ സ്വദേശികളായ ഓരോരുത്തരും, വീടുകളിൽ ചികിത്സയിലുള്ള 2 പേരുമാണ് രോഗമുക്തരായത്.

ഇന്നലെ നിരീക്ഷണത്തിലായത് 577 പേർ

784 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 12009 പേർ

666 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 394 സാമ്പിളുകൾ

ഇതുവരെ അയച്ചത് 182648 സാമ്പിളുകൾ

ഫലം ലഭിച്ചത് 181846

168997 നെഗറ്റീവും 12849 പോസിറ്റീവും