206 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 208 പേർക്ക് കൊവിഡ് സ്ഥിരീകരിച്ചു. 223 പേർ രോഗമുക്തി നേടി. 4 ആരോഗ്യ പ്രവർത്തകർ ഉൾപ്പെടെ 206 പേർക്ക് സമ്പർക്കത്തിലൂടെയാണ് രോഗബാധ. 8 പേരുടെ സമ്പർക്ക ഉറവിടം ലഭ്യമല്ല.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 16491 ആയി. 13902 പേർ ഇതുവരെ രോഗമുക്തരായി. ചികിത്സയിലിരിക്കെ 101 മരണം. നിലവിൽ 2488 പേരാണ് ചികിത്സയിലുള്ളത്. ഇവരിൽ 1684 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം ബാധിച്ചവർ
മേപ്പാടി സ്വദേശികളായ 28 പേർ, പൂതാടി 27 പേർ, കോട്ടത്തറ 20 പേർ, കണിയാമ്പറ്റ 19 പേർ, മാനന്തവാടി 15 പേർ, കൽപ്പറ്റ 14 പേർ, ബത്തേരി 13 പേർ, എടവക 11 പേർ, മുട്ടിൽ 10 പേർ, വൈത്തിരി, പടിഞ്ഞാറത്തറ, പനമരം 8 പേർ വീതം, പുൽപ്പള്ളി 5 പേർ, നെന്മേനി, വെങ്ങപ്പള്ളി 4 പേർ വീതം, പൊഴുതന 3 പേർ, തരിയോട്, തിരുനെല്ലി, വെള്ളമുണ്ട രണ്ടു പേർ വീതം, അമ്പലവയൽ, മീനങ്ങാടി, നൂൽപ്പുഴ സ്വദേശികളായ ഓരോരുത്തരുമാണ് സമ്പർക്കത്തിലൂടെ രോഗബാധിതരായത്. ബാംഗ്ലൂരിൽ നിന്ന് വന്ന മേപ്പാടി സ്വദേശിയും, ബഹ്രൈനിൽ നിന്ന് വന്ന വെള്ളമുണ്ട സ്വദേശിയുമാണ് ഇതര സംസ്ഥാനത്തു നിന്നും വിദേശത്തു നിന്നുമെത്തി രോഗബാധിതരായത്.

രോഗമുക്തർ
അമ്പലവയൽ സ്വദേശികളായ 8 പേർ, ബത്തേരി 5 പേർ, കൽപ്പറ്റ, പൂതാടി 4 പേർ വീതം, മേപ്പാടി, മീനങ്ങാടി, മാനന്തവാടി മൂന്ന് പേർ വീതം, നെന്മേനി, കണിയാമ്പറ്റ, കോട്ടത്തറ, പനമരം രണ്ടു പേർ വീതം, മുട്ടിൽ, പടിഞ്ഞാറത്തറ, പൊഴുതന, തവിഞ്ഞാൽ, വെള്ളമുണ്ട, മൂപ്പൈനാട്, തിരുനെല്ലി സ്വദേശികളായ ഓരോരുത്തരും, ഒരു പാലക്കാട് സ്വദേശിയും, ഒരു തമിഴ്നാട് സ്വദേശിയും, വീടുകളിൽ ചികിത്സയിലായിരുന്ന 176 പേരുമാണ് രോഗം ഭേദമായി ഡിസ്ചാർജ് ആയത്.

609 പേർ പുതുതായി നിരീക്ഷണത്തിൽ
802 പേർ നിരീക്ഷണക്കാലം പൂർത്തിയാക്കി

9448 പേർ നിലവിൽ നിരീക്ഷണത്തിൽ

569 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1602 സാമ്പിളുകൾ

ഇതുവരെ അയച്ചത് 207138 സാമ്പിളുകൾ

ഫലം ലഭിച്ചത് 206044

189553 നെഗറ്റീവും 16491 പോസിറ്റീവും