കോട്ടയം : ജില്ലയിൽ 337 പേർക്ക് കൂടി കൊവിഡ് സ്ഥിരീകരിച്ചു. 331 പേർക്കും സമ്പർക്കം മുഖേനയാണ് വൈറസ് ബാധിച്ചത്. ഇതിൽ ഒരു ആരോഗ്യ പ്രവർത്തകനും ഉൾപ്പെടുന്നു. സംസ്ഥാനത്തിന് പുറത്തു നിന്നെത്തിയ അഞ്ചു പേർ രോഗബാധിതരായി. പുതിയതായി 4208 പരിശോധനാഫലങ്ങളാണ് ലഭിച്ചത്. 8.01 ശതമാനമാണ് ടെസ്റ്റ് പോസിറ്റിവിറ്റി നിരക്ക്. രോഗം ബാധിച്ചവരിൽ 174 പുരുഷൻമാരും 128 സ്ത്രീകളും 35 കുട്ടികളും ഉൾപ്പെടുന്നു. 60 വയസിനു മുകളിലുള്ള 54 പേർക്ക് കൊവിഡ് സ്ഥിരീകരിച്ചിട്ടുണ്ട്. 377 പേർ രോഗമുക്തരായി. 4919 പേരാണ് നിലവിൽ ചികിത്സയിലുള്ളത്. ഇതുവരെ ആകെ 36954 പേർ കോവിഡ് ബാധിതരായി. 31935 പേർ രോഗമുക്തി നേടി. 10903 പേർ ക്വാറന്റൈനിൽ കഴിയുന്നുണ്ട്.