കോട്ടയം: ജില്ലയിൽ 570 പേർക്ക് കൂടി കൊവിഡ് സ്ഥിരീകരിച്ചു. 559 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്തുനിന്നെത്തിയ 11 പേരും രോഗബാധിതരായി. പുതുതായി 4930 പരിശോധനാഫലങ്ങളാണ് ലഭിച്ചത്.

രോഗം ബാധിച്ചവരിൽ 289 പുരുഷൻമാരും 222 സ്ത്രീകളും 59 കുട്ടികളും ഉൾപ്പെടുന്നു. 60 വയസിന് മുകളിലുള്ള 92 പേർക്ക് കൊവിഡ് സ്ഥിരീകരിച്ചിട്ടുണ്ട്.

500 പേർ രോഗമുക്തരായി. 4989 പേരാണ് നിലവിൽ ചികിത്സയിലുള്ളത്. ഇതുവരെ ആകെ 37524 പേർ കൊവിഡ് ബാധിതരായി. 32435 പേർ രോഗമുക്തി നേടി. ജില്ലയിൽ ആകെ 11307 പേർ ക്വാറന്റൈനിൽ കഴിയുന്നുണ്ട്.