പാലാ: നഗരസഭയിലെ യുഡിഎഫ് പ്രകടനപത്രിക മുൻ മുഖ്യമന്ത്രി ഉമ്മൻചാണ്ടി ഇന്ന് പ്രകാശനം ചെയ്യും.

നഗരസഭയുടെ സമഗ്ര വികസനവും, വളർച്ചയും ജനങ്ങളുടെ ക്ഷേമവും ഉറപ്പുവരുത്തുന്ന പ്രകടനപത്രികയാണ് തയ്യാറാക്കിയിട്ടുള്ളതെന്ന് യു.ഡി.എഫ്. നേതാക്കൾ പറഞ്ഞു. തെക്കേക്കര മുക്കാലികുന്നിൽ നടക്കുന്ന യു.ഡി.എഫ് പ്രവർത്തക കൺവെൻഷനിലാണ് പ്രകടനപത്രിക പുറത്തിറക്കുക.

നഗരസഭയിലെ യു.ഡി.എഫ് പാനലിന് നേതൃത്വം നൽകുന്ന കുര്യാക്കോസ് പടവൻ, കോൺഗ്രസ് ബ്ലോക്ക് പ്രസിഡന്റ് പ്രൊഫ.സതീശ് ചൊള്ളാനി എന്നിവരുടെ നേതൃത്വത്തിലാണ് പ്രവർത്തക കൺവെൻഷൻ സംഘടിപ്പിച്ചിരിക്കുന്നത്. വിവിധ പ്രചാരണ പരിപാടികളിൽ പങ്കെടുക്കുന്ന മുൻ മുഖ്യമന്ത്രി ഉമ്മൻചാണ്ടി പാലായിലെ തിരഞ്ഞെടുപ്പ് പ്രവർത്തനങ്ങൾ വിലയിരുത്തും.