വൈക്കം : വൈത്തഷ്ടമിയുടെ സമാപനത്തിന്റെ ഭാഗമായി വിശിഷ്ട ചടങ്ങായ മുക്കുടി നിവേദ്യം ഇന്ന് നടക്കും. ഉത്സവാഘോഷത്തിന്റെ ഭാഗമായി പതിമൂന്നു ദിവസത്തെ നിത്യനിദാനം ഉൾപ്പെടെയുള്ള പൂജാ ക്രമങ്ങളിൽ വന്ന് പെട്ടേക്കാവുന്ന രോഗാവസ്ഥയ്ക്ക് പ്രതിവിധിയായി ഭഗവാന് ചെയ്യുന്ന നിവേദ്യമാണ് മുക്കുടി. അതീവ രഹസ്യങ്ങളായ ചില ഔഷധ കൂട്ടുകളാണ് ഇതിന് ഉപയോഗിക്കുന്നത്. തിടപ്പള്ളിയിൽ വച്ച് ശുദ്ധമായ മോരിൽ തയാറാക്കുന്ന ഔഷധ കൂട്ട് ഉച്ചപൂജയുടെ പ്രസന്ന പൂജയ്ക്കാണ് ഭഗവാന് സമർപ്പിക്കുന്നത് .ഭഗവാന് നിവേദിച്ച ശേഷം പ്രസാദമായി ഇത് ഭക്തർക്ക് നൽകും.