കോട്ടയം : ജില്ലയിൽ 497 പേർക്ക് കൂടി കൊവിഡ് സ്ഥിരീകരിച്ചു. 496 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തു നിന്നെത്തിയ ഒരാൾ രോഗബാധിതരായി. പുതിയതായി 4347 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 226 പുരുഷൻമാരും 208 സ്ത്രീകളും 63 കുട്ടികളും ഉൾപ്പെടുന്നു. 60 വയസിനു മുകളിലുള്ള 79 പേർക്ക് കോവിഡ് സ്ഥിരീകരിച്ചിട്ടുണ്ട്. 311 പേർ രോഗമുക്തരായി. 4988 പേരാണ് നിലവിൽ ചികിത്സയിലുള്ളത്. 12689 പേർ ക്വാറന്റൈനിൽ കഴിയുന്നുണ്ട്.