കോട്ടയം : ജില്ലയിൽ ക്രിസ്മസ്, പുതുവത്സര ആഘോഷങ്ങളോടനുബന്ധിച്ച് ഹരിത പടക്കങ്ങൾ ഉപയോഗിക്കുന്നതിന് സമയ നിയന്ത്രണം പാലിക്കണമെന്ന് ജില്ലാ കളക്ടർ എം.അഞ്ജന അറിയിച്ചു. രാത്രി 11.55 മുതൽ 12.30 വരെ മാത്രമാണ് അനുമതിയുള്ളത്. ക്രിസ്മസ്, പുതുവത്സര ആഘോഷങ്ങളുടെ ഭാഗമായി ഹരിത പടക്കങ്ങളുടെ വില്പന മാത്രം അനുവദിച്ചും ഇവ ഉപയോഗിക്കുന്നതിന് സമയപരിധി നിജപ്പെടുത്തിയുമുള്ള സംസ്ഥാന ആഭ്യന്തര വകുപ്പിന്റെ ഉത്തരവിന്റെ അടിസ്ഥാനത്തിലാണിത്.