കോട്ടയം : ജില്ലയിൽ 346 പേർക്ക് കൂടി കൊവിഡ് സ്ഥിരീകരിച്ചു. 343 പേർക്കും സമ്പർക്കം മുഖേനയാണ് വൈറസ് ബാധിച്ചത്. ഇതിൽ ഒരു ആരോഗ്യ പ്രവർത്തകയും ഉൾപ്പെടുന്നു. സംസ്ഥാനത്തിനു പുറത്തു നിന്നെത്തിയ മൂന്ന് പേരും രോഗബാധിതരായി. പുതിയതായി 3947 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 165 പുരുഷൻമാരും 139 സ്ത്രീകളും 42 കുട്ടികളും ഉൾപ്പെടുന്നു. 60 വയസിനു മുകളിലുള്ള 55 പേർക്ക് കൊവിഡ് സ്ഥിരീകരിച്ചിട്ടുണ്ട്. 312 പേർ രോഗമുക്തരായി. 5021 പേരാണ് നിലവിൽ ചികിത്സയിലുള്ളത്. 13593 പേർ ക്വാറന്റൈനിൽ കഴിയുന്നുണ്ട്.