കോട്ടയം: തിരഞ്ഞെടുപ്പിന് പിന്നാലെ ജില്ലയിൽ കൊവിഡ് രോഗികളുടെ എണ്ണവും ഉയരുന്നു. ഇന്നലെ ജില്ലയിൽ 593 പേർക്കാണ് രോഗം ബാധിച്ചത്. 586 പേർക്കും സമ്പർക്കം മുഖേനയാണ് . ഇതിൽ ഒരു ആരോഗ്യ പ്രവർത്തകയും ഉൾപ്പെടുന്നു. സംസ്ഥാനത്തിനു പുറത്തു നിന്നെത്തിയ ഏഴു പേർ രോഗബാധിതരായി. പുതിയതായി 4487 പരിശോധനാഫലങ്ങളാണ് ലഭിച്ചത്.

രോഗം ബാധിച്ചവരിൽ 269 പുരുഷൻമാരും 235 സ്ത്രീകളും 89 കുട്ടികളും ഉൾപ്പെടുന്നു. 60 വയസിനു മുകളിലുള്ള 85 പേർക്ക് കൊവിഡ് സ്ഥിരീകരിച്ചിട്ടുണ്ട്. 387 പേർ രോഗമുക്തരായി. 5309 പേരാണ് നിലവിൽ ചികിത്സയിലുള്ളത്. ഇതുവരെ ആകെ 41131 പേർ കൊവിഡ് ബാധിതരായി. 35712 പേർ രോഗമുക്തി നേടി. ജില്ലയിൽ ആകെ 12998 പേർ ക്വാറന്റൈനിൽ കഴിയുന്നുണ്ട്.