കോട്ടയം : ജില്ലയിൽ 416 പേർക്കു കൂടി കൊവിഡ് . 414 പേർക്കും സമ്പർക്കം മുഖേനയാണ് . ഇതിൽ ഒരു ആരോഗ്യ പ്രവർത്തകയും ഉൾപ്പെടുന്നു. സംസ്ഥാനത്തിനു പുറത്തു നിന്നെത്തിയ രണ്ടു പേർ രോഗബാധിതരായി. പുതിയതായി 3437 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 227 പുരുഷൻമാരും 146 സ്ത്രീകളും 43 കുട്ടികളും ഉൾപ്പെടുന്നു. 60 വയസിനു മുകളിലുള്ള 79 പേർക്ക് കൊവിഡ് സ്ഥിരീകരിച്ചിട്ടുണ്ട്. 455 പേർ രോഗമുക്തരായി. 5273 പേരാണ് നിലവിൽ ചികിത്സയിലുള്ളത്. ഇതുവരെ ആകെ 41552 പേർ കൊവിഡ് ബാധിതരായി. 36169 പേർ രോഗമുക്തി നേടി. ജില്ലയിൽ ആകെ 13344 പേർ ക്വാറന്റൈനിൽ കഴിയുന്നുണ്ട്.