കോട്ടയം : ജില്ലയിൽ 642 പേർക്ക് കൂടി കൊവിഡ് സ്ഥിരീകരിച്ചു. 633 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തു നിന്നെത്തിയ ഒമ്പത് പേർ രോഗബാധിതരായി. പുതിയതായി 5740 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 295 പുരുഷൻമാരും 261 സ്ത്രീകളും 86 കുട്ടികളും ഉൾപ്പെടുന്നു. 60 വയസിനു മുകളിലുള്ള 95 പേർക്ക് കോവിഡ് സ്ഥിരീകരിച്ചിട്ടുണ്ട്. 530 പേർ രോഗമുക്തരായി. 6351 പേരാണ് നിലവിൽ ചികിത്സയിലുള്ളത്. 13757 പേർ ക്വാറന്റൈനിൽ കഴിയുന്നുണ്ട്.