അടിമാലി: പുതുവത്സരാഘോഷങ്ങളോടനുബന്ധിച്ച് നിരീക്ഷണവും ജാഗ്രതയും കടുപ്പിച്ച് നാർക്കോട്ടിക് എൻഫോഴ്‌സ്‌മെന്റ് സംഘം.ലഹരിയുടെ ഉപയോഗം വർദ്ധിക്കാൻ ഇടയുള്ള സാഹചര്യത്തിൽ രാത്രികാല നിരീക്ഷണവും വാഹനപരിശോധനയും ഉൾപ്പെടെ നാർക്കോട്ടിക് എൻഫോഴ്‌സ്‌മെന്റ് സംഘം കർശനമാക്കി കഴിഞ്ഞു.രഹസ്യ വിവരങ്ങൾ ലഭിക്കുന്നതിന്റെ അടിസ്ഥാനത്തിലുള്ള പരിശോധനയും സംഘം മുമ്പോട്ട് കൊണ്ടു പോകുന്നുണ്ട്.കഴിഞ്ഞ ഏതാനും ദിവസങ്ങളായി നടന്നു വരുന്ന പരിശോധനകളെ തുടർന്ന് വിവിധ കേസുകൾ രജിസ്റ്റർ ചെയ്യപ്പെട്ടിട്ടുള്ളതായി എക്‌സൈസ് സർക്കിൾ ഇൻസ്‌പെക്ടർ എം കെ പ്രസാദ് പറഞ്ഞുദേശിയപാതകളിലും ഗ്രാമീണ പാതകളിലുമെല്ലാം നാർക്കോട്ടിക് സംഘം നിരീക്ഷണം നടത്തുന്നുണ്ട്.വ്യാജ ചാരായനിർമ്മാണവും വിൽപ്പനയും നടക്കാൻ സാദ്ധ്യതയുള്ള ഇടങ്ങളിലും ജാഗ്രത പുലർത്തിപ്പോരുന്നു.നിരീക്ഷണത്തിന്റെ അടിസ്ഥാനത്തിൽ കഴിഞ്ഞ ദിവസം കിടപ്പുമുറിയിൽ രഹസ്യമായി സൂക്ഷിച്ചിരുന്നു ഒരു കിലോയിലധികം ഉണക്ക കഞ്ചാവും ഒൻപത് ലിറ്റർ മദ്യവും നാർക്കോട്ടിക് സംഘം പിടിച്ചെടുത്തിരുന്നു. പുതുവത്സരാഘോഷങ്ങളിൽ മദ്യ, ലഹരി പൊലീസ് പ്രത്യേക ശ്രദ്ധ പതിപ്പിച്ചാണ് മുന്നോട്ട് പോകുന്നത്.