തിരുവനന്തപുരം: ബംഗാള് ഉള്ക്കടലിൽ രൂപപ്പെട്ട ന്യൂനമര്ദം ചുഴലിക്കാറ്റായി മാറി. നിലവിൽ ശ്രീലങ്കയ്ക്ക് അടുത്തു സ്ഥിതി ചെയ്യുന്ന ‘ബുറെവി’ ചുഴലിക്കാറ്റ് വെള്ളിയാഴ്ച പുലര്ച്ചയോടെ കന്യാകുമാരി തീരം തൊടുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കേരളത്തിന്റെ തെക്കൻ ജില്ലകളില് അതി തീവ്രമഴക്ക് സാദ്ധ്യതയുണ്ടെന്നും കനത്ത ജാഗ്രത പാലക്കണമെന്നും കാലാവസ്ഥ വിദഗ്ദ്ധർ മുന്നറിയിപ്പ് നൽകി.