ന്യൂഡൽഹി: കര്‍ഷകരുടെ പ്രതിഷേധം ഏഴാം ദിവസത്തിലേക്ക് കടക്കുമ്പോള്‍, ഡിസംബര്‍ 3 ന് വിജ്ഞാൻ ഭവനില്‍ പഞ്ചാബിലെയും ഹരിയാനയിലെയും പ്രതിഷേധിക്കുന്ന കര്‍ഷകരെ പ്രതിനിധീകരിക്കുന്ന ഫാം യൂണിയന്‍ നേതാക്കള്‍ ഉന്നയിച്ച ആശങ്കകള്‍ പരിഹരിക്കാനുള്ള തയ്യാറാണെന്ന് കേന്ദ്ര സര്‍ക്കാര്‍.
''നിയമങ്ങള്‍ അവരുടെ താല്‍പ്പര്യത്തിലാണെന്നും പരിഷ്‌കാരങ്ങള്‍ ദീര്‍ഘനാളത്തെ കാത്തിരിപ്പിന് ശേഷമാണെന്നും ഞാന്‍ കര്‍ഷകരോട് പറയുന്നു, എന്നാല്‍ അവര്‍ക്ക് എന്തെങ്കിലും എതിര്‍പ്പുണ്ടെങ്കില്‍ അവരുടെ ആശങ്കകള്‍ പരിഹരിക്കാന്‍ ഞങ്ങള്‍ തയ്യാറാണ്'', കേന്ദ്ര കൃഷി മന്ത്രി നരേന്ദ്ര സിംഗ് തോമര്‍ പറഞ്ഞു .കര്‍ഷകരുമായി രണ്ടാം ഘട്ട ചര്‍ച്ചകള്‍ ദേശീയ തലസ്ഥാനത്ത് നടന്നു.
ഈ വര്‍ഷം സെപ്തംബറില്‍ പാര്‍ലമെന്റ് അംഗീകരിച്ച മൂന്ന് കാര്‍ഷിക നിയമങ്ങൾക്കെതിരെയാണ് കര്‍ഷകർ പ്രക്ഷോഭം നടത്തുന്നത്. ഈ നിയമങ്ങള്‍ വിപണിയിലെ വരുമാനം കുറയ്ക്കുകയും കോര്‍പ്പറേറ്റുകള്‍ക്ക് കൂടുതല്‍ അധികാരം നല്‍കുകയും ചെയ്യുമെന്ന് കര്‍ഷകര്‍ ആരോപിക്കുന്നു. ഡൽഹി അതിര്‍ത്തിയിലും ദേശീയ തലസ്ഥാനത്തിനകത്തും ദിവസങ്ങള്‍ നീണ്ട പ്രതിഷേധത്തിനുശേഷം സര്‍ക്കാര്‍ തിങ്കളാഴ്ച ഫാം യൂണിയന്‍ സംഘടനാ നേതാക്കളുടെ പ്രതിനിധികളുമായി ചര്‍ച്ചകള്‍ക്ക് തുടക്കമിട്ടെങ്കിലും പരിഹാരമായിരുന്നില്ല.