തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയ്‌ക്കെതിരെയുള്ള ബാർകോഴ ആരോപണത്തിൽ വിജിലൻസിന്റെ അന്വേഷണ കാര്യത്തിൽ തിങ്കളാഴ്ച തീരുമാനം ഉണ്ടായേക്കും. വിജിലൻസ് ഡയറക്ടർ സധേഷ്‌കുമാർ അവധിയിലാണ്. അദ്ദേഹം തിങ്കളാഴ്ച തിരിച്ചെത്തിയ ശേഷമായിരിക്കും വിഷയത്തിൽ തീരുമാനം എടുക്കുക.
ബാറുടമ ബിജു രമേശിന്റെ കോഴ ആരോപണത്തിൽ ചെന്നിത്തലയ്‌ക്കെതിരെ അന്വേഷണം നടത്താൻ സ്പീക്കർ നേരത്തെ അനുമതി നൽകിയിരുന്നു. ബാർ കോഴ ആരോപണവുമായി ബന്ധപ്പെട്ട് മുൻമന്ത്രിമാരായ വിഎസ് ശിവകുമാറിനും കെ ബാബുവിനും എതിരെയുള്ള വിജിലൻസ് അന്വേഷണത്തിന് അനുമതി തേടിക്കൊണ്ടുള്ള ഫയൽ ഇപ്പോൾ ഗവർണറുടെ പരിഗണനയിലാണ്.
കെ ബാബുവിനും വിഎസ് ശിവകുമാറിനും എതിരെ അന്വേഷണം നടത്തുന്ന കാര്യത്തിൽ ഗവർണർ വിജിലൻസ് ഡയറക്ടറോട് വിശദീകരണം തേടിയിരുന്നു.ഗവർണർക്കുള്ള വിശദീകരണവും വിജിലൻസ് ഡയറക്ടർ തിങ്കളാഴ്ച നൽകിയേക്കും.