ന്യൂഡൽഹി: കർഷക സമരത്തെയും ഭാരത് ബന്ദിന് പിന്തുണ നൽകുന്ന പ്രതിപക്ഷ പാർട്ടികളെയും വിമർശിച്ച് കേന്ദ്രമന്ത്രി പ്രകാശ് ജാവദേക്കർ രംഗത്തെത്തി. ബില്ലിനെ എതിർക്കുന്നവർ ഇരട്ടത്താപ്പ് നടത്തുകയാണെന്നും അധികാരത്തിലിരിക്കുമ്പോൾ കരാർ കാർഷിക നിയമങ്ങൾ കൊണ്ടുവന്ന കോൺഗ്രസിനെപ്പോലെയുളളവരാണ് കാർഷിക നിയമങ്ങളെ ഇപ്പോൾ എതിർക്കുന്നതെന്നും അദ്ദേഹം കുറ്റപ്പെടുത്തി. കാർഷിക വിഭവങ്ങൾക്കുളള താങ്ങുവില തുടരുമെന്നും മറിച്ചുളള പ്രചാരണം അടിസ്ഥാന രഹിതമാണെന്നും കേന്ദ്രമന്ത്രി വ്യക്തമാക്കി.

'തങ്ങളുടെ വിളകൾക്ക് മെച്ചപ്പെട്ട വിലയാണ് കർഷകർ ആവശ്യപ്പെട്ടത്. എന്നാൽ പുതിയ നിയമത്തിലൂടെ നരേന്ദ്രമോദിയുടെ നേതൃത്വത്തിലുളള കേന്ദ്രസർക്കാർ അവർക്ക് വിലയുടെ അമ്പതുശതമാനം അധികമാണ് നൽകുന്നത്. കോൺഗ്രസ് അവരുടെ ഭരണകാലത്ത് കർഷകർക്ക് ഒന്നും നൽകിയില്ല'- ജാവദേക്കർ പറഞ്ഞു. പ്രതിപക്ഷത്തെ വിമർശിച്ച് കേന്ദ്രമന്ത്രി മുക്താർ അബ്ബാസ് നഖ്‌വിയും രംഗത്തെത്തിയിട്ടുണ്ട്. ജനങ്ങളെ തെറ്റിദ്ധരിപ്പിക്കുകയും രാജ്യത്തിന്റെ പ്രതിച്ഛായ നശിപ്പിക്കുകയും ചെയ്യുന്നത് പ്രതിപക്ഷ പാർട്ടികളുടെ പഴയരീതിയാണെന്നും അധികാരത്തിലിരിക്കുമ്പോൾ കോൺഗ്രസും എൻ സി പിയും കർഷകർക്ക് എതിരായ ബില്ലുകളെ പിന്തുണച്ചിട്ടുണ്ടെന്നുമായിരുന്നു അദ്ദേഹത്തിന്റെ കുറ്റപ്പെടുത്തൽ.

കേ​ന്ദ്ര​ ​സ​ർ​ക്കാ​രി​ന്റെ​ ​അ​നു​ന​യ​ശ്ര​മ​ങ്ങ​ൾ​ക്ക്​ ​കീ​ഴ​ട​ങ്ങാ​തെ,​ ​പു​തി​യ​ ​കാ​ർ​ഷി​ക​ ​നി​യ​മ​ങ്ങ​ൾ​ ​പി​ൻ​വ​ലി​ക്ക​ണ​മെ​ന്ന​ ഉറച്ച നി​ലപാടി​ലാണ് കർഷകർ. പ്രതി​ഷേധം കൂടുതൽ കടുപ്പി​ക്കുന്നതി​ന്റെ ഭാഗമായാണ് ഇന്ന് ഭാരത് ബന്ദ് നടത്തുന്നത്. കോ​ൺ​ഗ്ര​സും​ ​സി.​പി.​എ​മ്മും​ ​അ​ട​ക്കം​ 25​ ​രാ​ഷ്ട്രീ​യ​ക​ക്ഷി​ക​ൾ​ ​പി​ന്തു​ണ​ ​പ്ര​ഖ്യാ​പി​ച്ച​ ​ബ​ന്ദി​ൽ​ ​ബി.​ജെ.​പി​ ​സ​ഖ്യ​ക​ക്ഷി​ക​ളാ​യ​ ​അ​സം​ ​ഗ​ണ​പ​രി​ഷ​ത്,​ ​രാ​ജ​സ്ഥാ​നി​ലെ​ ​ആ​ർ.​എ​ൽ.​പി​ ​എ​ന്നി​വ​യും​ ​അ​ണി​നി​ര​ക്കു​ന്നു. കേ​ന്ദ്ര​സ​ർ​ക്കാ​ർ​ ​ക​ർ​ഷ​ക​ ​നേ​താ​ക്ക​ളു​മാ​യി​ ​ നടത്തുന്ന ആ​റാം​ ​വ​ട്ട​ ​ച​ർ​ച്ച​ നാളെയാണ് നടക്കുന്നത്. സമരക്കാരുടെ ആവശ്യങ്ങൾക്ക് വഴങ്ങേണ്ടെന്ന നിലപാടിലാണ് കേന്ദ്രസർക്കാർ.