മണ്ണാർക്കാട്: നാളെ വിവാഹം നടക്കാനിരിക്കേ പ്രതിശ്രുത വരൻ കാഞ്ഞിരം ചേട്ടൻപടിയിൽ കളരിക്കൽ വീട്ടിൽ പരേതനായ രാമകൃഷ്ണ പണിക്കരുടെ മകൻ രഞ്ജിത്തിനെ (30) വീടിന് സമീപത്തെ ലോഡ്ജിൽ തൂങ്ങി മരിച്ച നിലയിൽ കണ്ടെത്തി.

കൊവിഡിനെ തുടർന്ന് നീട്ടിവച്ച കുന്നംകുളം സ്വദേശിനിയുമായുള്ള വിവാഹമാണ് നാളെ നടക്കേണ്ടിയിരുന്നത്. വിദേശത്തായിരുന്ന രഞ്ജിത്ത് നാട്ടിലെത്തി ഇതേ ലോഡ്ജിൽ ക്വാറന്റൈൻ പൂർത്തിയാക്കി കഴിഞ്ഞ ദിവസം വിവാഹ വസ്ത്രമുൾപ്പെടെ വാങ്ങിയിരുന്നു.

ഇന്നലെ ലോഡ്ജിൽ തങ്ങിയ രഞ്ജിത്തിനെ രാവിലെ പുറത്തേക്ക് കാണാതിരുന്ന ബന്ധുക്കൾ അന്വേഷിച്ചു ചെന്നപ്പോളാണ് തൂങ്ങി മരിച്ച നിലയിൽ കണ്ടെത്തിയത്. നേരത്തെ മണ്ണാർക്കാട്ടെ വസ്ത്രശാല ജീവനക്കാരനായിരുന്നു. പൊലീസ് സ്ഥലത്തെത്തി മേൽനടപടി സ്വീകരിച്ചു.