ശ്രീനഗർ: കാശ്‌മീരിലെ പുൽവാമയിലുണ്ടായ ഏറ്റുമുട്ടലിൽ രണ്ട് ഭീകരരെ സൈന്യം വധിച്ചു. ഇന്നലെ രാവിലെയാണ് സംഭവം.
പുൽവാമയിലെ ടികൻ ഗ്രാമത്തിൽ ഭീകരർ ഒളിച്ചിരിക്കുന്നുണ്ടെന്ന രഹസ്യ വിവരത്തെ തുടർന്ന് പൊലീസും സി.ആർ.പി.എഫും സംയുക്തമായി നടത്തിയ തെരച്ചിലിനിടെയാണ് ഏറ്റുമുട്ടലുണ്ടായത്.
രണ്ട് ഭീകരരെ വധിച്ച കാശ്‌മീർ പൊലീസ് സ്ഥിരീകരിച്ചു. ഏറ്റുമുട്ടൽ രാത്രി വൈകിയും തുടർന്നു. എന്നാൽ, ഭീകരരുടെ പേരോ മറ്റ് വിവരങ്ങളോ വെളിപ്പെടുത്തിയിട്ടില്ല.