ന്യൂഡൽഹി: പകർച്ചവ്യാധികൾ, ജൈവ ഭീകരാക്രമണം തുടങ്ങി​യ ഭീഷണി​കൾ സമർത്ഥമായി​ നേരി​ടാൻ ഒന്നി​ച്ചുനി​ന്ന് പോരാടണമെന്ന് പ്രതി​രോധമന്ത്രി​ രാജ്നാഥ് സിംഗ് പറഞ്ഞു. ആസി​യാൻ രാജ്യങ്ങളിലെ പ്രതി​രോധ മന്ത്രി​മാരുടെ യാേഗത്തി​ൽ സംസാരി​ക്കവെയാണ് അദ്ദേഹം ഇങ്ങനെ പറഞ്ഞത്. ചൈനയ്ക്കെതി​രെ ഒന്നി​ച്ചുനി​ൽക്കണമെന്നാണ് പ്രതി​രോധമന്ത്രി​ പ്രസംഗത്തി​ലൂടെ ആസി​യാൻ രാജ്യങ്ങളോട് ആവശ്യപ്പെട്ടതെന്നാണ് കരുതുന്നത്. മഹാവ്യാധിയായ കൊവിഡ് ലോകത്ത് പടർന്നുപിടിക്കാൻ കാരണം ചൈനയാണെന്നാണ് അമേരി​ക്കയടക്കമുളള പ്രധാന ലോകരാജ്യങ്ങൾ പലതും കരുതുന്നത്. ലോകത്തിന് തങ്ങളുടെ ശക്തികാണിക്കാൻ ചൈന നടത്തിയ ജൈവ ഭീകരാക്രമണമാണ് കൊവിഡ് എന്നുപോലും പല രാജ്യങ്ങളും സംശയിക്കുന്നുണ്ട്.

ആവശ്യമില്ലാതെ അതിർത്തിയിൽ നിരന്തരം പ്രശ്നമുണ്ടാക്കുന്ന ചൈനയ്ക്ക് പ്രതിരോധ മന്ത്രി ശക്തമായ താക്കീതുനൽകുകയും ചെയ്തു.

പ്രശ്നമുണ്ടാക്കുന്ന പ്രവർത്തനങ്ങൾ ഒഴിവാക്കുകയും സ്വയം സംയമനം പാലി​ക്കുകയും സാഹചര്യങ്ങളെ കൂടുതൽ സങ്കീർണമാക്കുന്ന നടപടി​കൾ അവസാനിപ്പിക്കുകയും ചെയ്യുന്നത് മേഖലയി​ൽ സുസ്ഥി​രമായ സമാധാനം കൈവരി​ക്കുന്നതി​ന് സഹായി​ക്കും എന്നാണ് അദ്ദേഹം പറഞ്ഞ്.

പ്രസംഗത്തി​ൽ ഭാരത സംസ്കാരത്തി​ന്റെ മഹത്വം എടുത്തുകാട്ടാനും അദ്ദേഹം ശ്രമിച്ചു. ലോകം മുഴുവൻ ഒരു കുടുംബമാണ്, ലോകത്തെ എല്ലാവരും സമാധാനത്തോടെയും സുഖത്തോടെയും കഴി​യുക എന്നീ ആശയങ്ങൾ ഇന്ത്യൻ സംസ്കാരത്തിന്റെ കാതലാണെന്നും അദ്ദേഹം വ്യക്തമാക്കി. ഇന്തോ പസഫിക് മേഖലയിലെ ആസിയാൻ വീക്ഷണം തന്ത്രപരമായ വിശ്വാസം വളർത്തിയെടുക്കാൻ സഹായിച്ചിട്ടുണ്ടെന്നും പ്രതിരോധമന്ത്രി പറഞ്ഞു.