1982 ഫുട്ബാൾ ലോകകപ്പിൽ ഇറ്റലിയെ ചാമ്പ്യന്മാരാക്കുന്നതിൽ പ്രധാന പങ്കുവഹിച്ച ഇതിഹാസ താരം പാവ്‌ലോ റോസി (64) അന്തരിച്ചു.
ബ്രസീലിനെതിരായ മത്സരത്തിലെ ഹാട്രിക്ക് ഉൾപ്പടെ ആറു ഗോളുകളാണ് റോസി 82 ലോകകപ്പിൽ നേടിയത്. ഫൈനലിലും സ്കോർ ചെയ്തിരുന്നു
ലോകകപ്പ് കിരീടത്തിനാെപ്പം ഗോൾഡൻ ബാളും ഗോൾഡൻ ബൂട്ടും ഏറ്റുവാങ്ങിയ റോസി 1982ലെ ബാലൺ ദിയോർ അവാർഡും സ്വന്തമാക്കി
1977 മുതൽ 86വരെ ഇറ്റലിക്ക് വേണ്ടി 48 മത്സരങ്ങൾ കളിച്ച റോസി 20 ഗോളുകൾ നേടി. ഇതിൽ 9 എണ്ണവും ലോക കപ്പുകളിലായിരുന്നു
യുവന്റസ്, എസി മിലാൻ,വെറോണ തുടങ്ങിയ ക്ളബുകൾക്കായും കളിച്ചു. ക്ളബ് കരിയറിൽ 338 മത്സരങ്ങളിൽ നിന്ന് 134 ഗോളുകൾ നേടി
കളിക്കളത്തിൽ നിന്ന് വിരമിച്ച ശേഷം ടെലിവിഷൻ പാനലിസ്റ്റായിരുന്ന റോസി കുറച്ചു നാളായി അസുഖ ബാധിതനായിരുന്നു