വാഷിംഗ്ടൺ: ലോകത്ത് കൊവിഡ് രോഗികളുടെ എണ്ണം ഏഴ് കോടിയിലേക്ക്. വേൾഡ് 'ഒ' മീറ്ററിന്റെ കണക്ക് പ്രകാരം നിലവിൽ ലോകത്ത് 69,381,422 രോഗികളാണുള്ളത്. 1,578,646 പേർ മരിച്ചു. 48,155,444 പേർ രോഗവിമുക്തരായി. അമേരിക്ക, ഇന്ത്യ, ബ്രസീൽ, റഷ്യ എന്നീ രാജ്യങ്ങളിലാണ് രോഗവ്യാപനവും മരണവും ഏറ്റവും കൂടുതൽ. അമേരിക്കയിൽ മാത്രം ഒരു കോടിയിലധികം രോഗികളുണ്ട്. റഷ്യയിൽ പ്രതിദിന രോഗികളുടെ എണ്ണം വളരെ കൂടുതലാണ്. ഇന്നലെ മാത്രം 27,927 കേസുകൾ റിപ്പോർട്ട് ചെയ്തു.

അതേസമയം, യൂറോപ്യൻ രാജ്യങ്ങൾ രണ്ടാം ഘട്ട വ്യാപനത്തിന്റെ പിടിയിലാണ്.

ജർമ്മനി, മെക്സിക്കോ, പോളണ്ട്, എന്നീ രാജ്യങ്ങളിലെ സ്ഥിതി രൂക്ഷമാണ്. ഏഷ്യൻ രാജ്യമായ ഇറാനിലും രണ്ടാം ഘട്ട വ്യാപനം പാരമ്യത്തിലാണ്.

ബ്രിട്ടനിൽ ഫൈസർ വാക്സിന്റെ വിതരണം ആരംഭിച്ചത് ജനങ്ങൾക്ക് അൽപം ആശ്വാസമേകിയിട്ടുണ്ട്. അതേസമയം, വാ​ക്സി​ൻ​ ​കു​ത്തി​വ​ച്ച​ ​ര​ണ്ട് ​ആ​രോ​ഗ്യ​ ​പ്ര​വ​ർ​ത്ത​ക​ർ​ക്ക് ​അ​ല​ർ​ജി​ ​ഗു​രു​ത​ര​മാ​വു​ക​യും​ ​അ​മേ​രി​ക്ക​യി​ൽ​ ​ഇ​തേ​ ​വാ​ക്‌​സി​ന്റെ​ ​ക്ലി​നി​ക്ക​ൽ​ ​ട്ര​യ​ലി​ൽ​ ​നാ​ല് ​പേ​ർ​ക്ക് ​മു​ഖ​പേ​ശി​ക​ൾ​ ​താ​ത്കാ​ലി​ക​മാ​യി​ ​മ​ര​വി​ക്കു​ന്ന​ ​ബെ​ൽ​സ് ​പാ​ൾ​സി​ ​എ​ന്ന​ ​അ​വ​സ്ഥ​ ​ഉ​ണ്ടാ​വു​ക​യും​ ​ചെ​യ്‌​ത​തോ​ടെ​ ​വാ​ക്സി​നേ​ഷ​നി​ൽ​ ​കൂ​ടു​ത​ൽ​ ​ജാ​ഗ്ര​ത​ ​പാ​ലി​ക്കാ​ൻ​ ​നി​ർ​ദ്ദേ​ശം​ ​ന​ൽ​കിയിട്ടുണ്ട്. എന്നാൽ,
വാ​ക്സി​ൻ​ ​സു​ര​ക്ഷി​ത​മാ​ണെ​ന്നും​ ​കൊ​വി​ഡി​നെ​തി​രെ​ ​ഫ​ല​പ്ര​ദ​മാ​ണെ​ന്നു​മാ​ണ് ​അ​മേ​രി​ക്ക​ൻ​ ​ഡ്ര​ഗ് ​അ​ഡ്മി​നി​സ്‌​ട്രേ​ഷ​ന്റെ​ ​റി​പ്പോ​ർ​ട്ട്.