ഏറെ വിവാദങ്ങൾക്ക് ശേഷം ഷെയ്ൻ നിഗത്തിന്റെ വെയിലിന്റെ സെൻസർ പൂർത്തിയായി. ഗുഡ്‌വിൽ എന്റർടെയ്ൻമെന്റ്‌സിന്റെ ബാനറിൽ ജോബി ജോർജ് നിർമിക്കുന്ന ചിത്രം സംവിധാനം ചെയ്യുന്നത് നവാഗതനായ ശരത് മേനോനാണ്. മുൻപ് അങ്കമാലി ഡയറീസ്, ഈമയൗ എന്നീ ചിത്രങ്ങളിൽ ലിജോ ജോസ് പെല്ലിശ്ശേരിയുടെ അസിസ്റ്റന്റായി പ്രവർത്തിച്ചിരുന്ന വ്യക്തി കൂടിയാണ് ശരത്.ഷാസ് മുഹമ്മദാണ് ചിത്രത്തിന്റെ ഛായാഗ്രഹണം നിർവ്വഹിക്കുന്നത്. പ്രവീൺ പ്രഭാകറാണ് ചിത്രത്തിന്റെ എഡിറ്റിംഗ് നിർവ്വഹിക്കുന്നത്. രംഗനാഥ് രവിയാണ് ശബ്ദ മിശ്രണം.സിനിമയെക്കുറിച്ച് മികച്ച അഭിപ്രായമാണ് സെൻസർ ബോർഡ് അംഗങ്ങളിൽ പലരും രേഖപ്പെടുത്തിയത്.ഷൈൻ ടോം ചാക്കോ ,സുധി കോപ്പ ,മെറിൻ ജോസ് പൊട്ടക്കൽ തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നുണ്ട്.വലിയ പെരുന്നാളാണ് ഷെയ്‌നിന്റെതായി ഏറ്റവുമൊടുവിൽ എത്തിയ ചിത്രം.