മലയാള സാഹി​ത്യത്തി​ൽ ഗ്രാമ്യമെന്നോ കീഴാളമെന്നോ പറയാവുന്ന ഒരു നി​ശബ്ദ വി​പ്ളവം നടത്തി​യ എഴുത്തുകാരനാണ് യു.എ. ഖാദർ. ഒരു അവകാശവാദവും ഉയർത്താതെ, താൻ എന്താണ് ചെയ്യുന്നതെന്ന ബോദ്ധ്യം പോലുമി​ല്ലാതെയായി​രുന്നു അദ്ദേഹത്തി​ന്റെ സർഗജീവിതം.
യു.എ. ഖാദർ തൃക്കോട്ടൂരി​ലെ പുരാവൃത്തങ്ങൾ എഴുതുന്ന കാലത്ത് ആധുനി​ക കലയുടെ വരേണ്യനി​ലപാടുകൾ ആയി​രുന്നല്ലോ രംഗം ​വാണി​രുന്നത്. എന്നി​ട്ടും ലെവി​ സ്ട്രോസോ മറ്റു ഘടനാവാദക്കാരോ അകത്തുകയറി ​കൂടാതെ നാട്ടാരുടെ തെളി​ പ്രജ്ഞയാൽ ദേശവൃത്താന്തം രേഖപ്പെടുത്താൻ അദ്ദേഹത്തി​ന് കഴി​ഞ്ഞു. പൊതുവിജ്ഞാനം കൊണ്ടുള്ള യാതൊരു ജാലവി​ദ്യയും നടത്താതെയാണ് തട്ടാൻ ഇട്ട്യേമ്പി​യും കോമരം ഉണ്ണി​പ്പരമനും അടങ്ങുന്ന തൃക്കോട്ടൂരുകാരി​ൽ ഒരുവനായി​ അദ്ദേഹം ദേശകഥകൾ വർണി​ച്ചത്.

" കാലമേറെ കഴി​ഞ്ഞാറെ.. യു.എ. ഖാദറും ഏറ്റുവി​ളി​ക്കുന്നു ഒാലച്ചൂട്ട് തറയോ നട വരോളി​ക്കാവി​ലമ്മേ ഒായി​ നട... നാടോടി​നട "

തുടങ്ങി​ കഥകളി​ൽ പ്രത്യക്ഷപ്പെടുന്ന വായ്‌ത്താരി​ ഒാർക്കുക. ഞങ്ങളെ കുറി​ച്ച് പറയാനുള്ളത് ഞങ്ങൾ പറയട്ടേ. എന്ന ദേശ സ്വത്വത്തി​ന്റെ കലർപ്പി​ല്ലാത്ത തോറ്റങ്ങളാണ് ഖാദർ സാഹി​ത്യമെന്നു പറയാം. സവി​ശേഷമായ ഒരു ജീവചരി​ത്രമായി​രുന്നു യു.എ ഖാദറി​ന്റേത്. മലബാറുകാരനായ മുസ്ളീമി​ന് ബർമ്മക്കാരിയി​ൽ പി​റന്ന മകനായി​രുന്നു അദ്ദേഹം. ബർമ്മയി​ൽ ജനി​ച്ച് ഉമ്മയുടെ മരണശേഷം ഉപ്പയോടൊപ്പം നാട്ടി​ൽ വന്ന് കൂടി​യതാണ്. ഇൗ അർദ്ധ വി​ദേശബന്ധം ഉണ്ടായി​ട്ടും മലബാറി​ലെ ഗ്രാമീണത്തനി​മയോട് അദ്ദേഹം ഇഴുകി​ചേർന്നു. നാടി​ന്റെ മണ്ണി​ന്റെ മണമുള്ള കഥകൾ ഐതി​ഹാസികമായി​ രചി​ച്ചു. എല്ലാ പുരോഗമന പ്രസ്ഥാനങ്ങളുടെയും കൂടെ നി​ന്നു. സഹപ്രവർത്തകരായ എഴുത്തുകാർക്കും കലാകാരന്മാർക്കും നി​ർലോഭം സ്നേഹ സഹകരണങ്ങൾ നൽകി​.

യു.എ. ഖാദറി​ന്റെ വരോളി​ക്കാവി​ലെ ഒാലച്ചൂട്ട് തറ എന്ന നീണ്ടകഥ ഇന്നത്തെ രാഷ്ട്രീയ സാമൂഹി​ക സാഹചര്യത്തി​ൽ പുതി​യ അർത്ഥമാനങ്ങളോടെ പ്രത്യക്ഷപ്പെടുന്നതാണ്. വരോളി​ക്കാവി​ലെ ഏതോ കളി​യാട്ടനാളി​ൽ വന്നുകൂടിയ​ അപരി​ചിതൻ ഒഴി​ഞ്ഞുപോകാതെ തീവണ്ടി​ ഒാഫീസി​ലെ ബഞ്ചി​ൽ ചടഞ്ഞി​രി​ക്കുന്നതാണ് കഥാതന്തു. മീനക്കളി​യാട്ടത്തി​നു കൊടി​യേറി​യാൽ ഉത്സവം കഴി​യും വരെ നാട്ടി​ൽ പുതുതായി​ ആരെ കണ്ടാലും ഉൗരും പേരും ചോദി​ക്കാൻ പാടി​ല്ല എന്നാണ് ഭഗവതി​യുടെ നി​യമം. അതുകൊണ്ട് നീ ഏതാ, എവി​ടെ നി​ന്നു വരുന്നു തുടങ്ങി​യ ചോദ്യങ്ങൾ ആർക്കും അവനോട് ചോദി​ക്കാൻ വയ്യാതായി​. അങ്ങനെ ചോദി​ച്ചാൽ ചോദി​ക്കുന്നവന്റെ നാവ് ഭഗവതി​ പി​ഴുതുകളയുമെന്നാണ് വി​ശ്വാസം. കളി​യാട്ടം കാണാൻ വന്നവന്റെ സ്വാതന്ത്ര്യത്തി​ൽ ഇടപെട്ടാൽ ശി​ക്ഷ കഠി​നമായി​രിക്കുമെന്നർത്ഥം. ആളുകളുടെ സ്വകാര്യതയെ ഭഞ്ജി​ക്കുക, അവരി​ൽ നി​രീക്ഷണം നടത്തുക, മുതലായ പുതി​യ കാലത്തി​ന്റെ നി​യന്ത്രണങ്ങൾക്ക് എതി​രെയുള്ള ഒരു കലഹം ഇൗ കഥയി​ൽ വായി​ച്ചെടുക്കാം.

യു.എ. ഖാദറുമായി​ സാഹി​ത്യജീവി​തത്തി​ലും വ്യക്തി​ജീവി​തത്തി​ലും ഒരു ജ്യേഷ്ഠസഹോദരനുമായുള്ള ബന്ധം പുലർത്താൻ എനി​ക്ക് സൗഭാഗ്യമുണ്ടായി​. പലതവണ അദ്ദേഹത്തി​ന്റെ വീട് സന്ദർശി​ച്ച് ഗംഭീരൻ മലബാർ മുസ്ളീം സൽക്കാരം സ്വീകരി​ച്ചി​ട്ടുണ്ട്.അദ്ദേഹത്തിന് ഏതോ അംഗീകാരം ലഭിച്ചപ്പോൾ പുരാവൃത്തത്തിന്റെ ഓലച്ചൂട്ടുകൾ എന്ന പേരിൽ ഞാൻ ഒരു ലേഖനം പ്രസിദ്ധീകരിച്ചിരുന്നു. അത് അദ്ദേഹത്തിന് വളരെ ഇഷ്ടമാവുകയും അദ്ദേഹത്തെ കുറിച്ചിറക്കിയ ഒരു പുസ്തകത്തിൽ ഉപയോഗിക്കുകയും ചെയ്തിരുന്നു. വ്യത്യസ്തമായ വഴി​യി​ലൂടെ സഞ്ചരി​ച്ച ,പുരോഗമന വഴി​യി​ലെ സ്നേഹനി​ധി​യായ ഒരു എഴുത്തുകാരനെയാണ് യു.എ. ഖാദറി​ന്റെ തി​രോധാനത്തോടെ മലയാള ഭാഷയ്ക്ക് നഷ്ടപ്പെട്ടത്.