കോഴിക്കോട്: കോടഞ്ചേരിയിൽ ബി ജെ പി സ്ഥാനാർത്ഥിയെ കാട്ടുപന്നി കുത്തി. കോടഞ്ചേരി പഞ്ചായത്ത് പത്തൊമ്പതാം വാർഡ് സ്ഥാനാർത്ഥി വാസു കുഞ്ഞനാണ് കാട്ടുപന്നി കുത്തിയതിനെ തുടർന്ന് പരിക്കേറ്റത്. സ്ഥാനാർത്ഥി സഞ്ചരിച്ചിരുന്ന ബൈക്ക് പന്നി കുത്തി വീഴ്‌ത്തുകയായിരുന്നു. പുലർച്ചെ അഞ്ചേമുക്കാലിനാണ് സംഭവം. നെല്ലിപൊയിലിലെ സ്വകാര്യ ആശുപത്രിയിൽ സ്ഥാനാർത്ഥിയെ പ്രവേശിപ്പിച്ചിരിക്കുകയാണ്. രാവിലെ പോളിംഗ് ബൂത്തിലേക്ക് പോകുന്നതിനിടെ ചൂരമുണ്ട കണ്ണോത്ത് റോഡിൽ വച്ചാണ് വാസുകുഞ്ഞിന് നേരെ കാട്ടുപന്നിയുടെ അപ്രതീക്ഷിത ആക്രമണമുണ്ടായത്.