കോഴിക്കോട് : തദ്ദേശ തിരഞ്ഞെടുപ്പിൽ കഴിഞ്ഞ തവണത്തേക്കാൾ പാർട്ടിക്ക് നാലിരട്ടി സീറ്റുകൾ ലഭിക്കുമെന്ന് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ. കേരളത്തിൽ പ്രധാനമന്ത്രി നരേന്ദ്ര മോദിയോടുള്ള വലിയ ആഭിമുഖ്യം ഉണ്ടെന്നും, ശക്തമായ പോരാട്ടമുണ്ടാകുമെന്നും അദ്ദേഹം കൂട്ടിച്ചേർത്തു.

തദ്ദേശ സ്ഥാപനങ്ങളിൽ നല്ല രീതിയിൽ ബിജെപി ഭരണത്തിൽ വരുമെന്നും സുരേന്ദ്രൻ അവകാശപ്പെട്ടു. എല്ലാ വാർഡുകളിലും സുസംഘടിതമായി തിരഞ്ഞെടുപ്പ് പ്രചാരണം നടത്തിയിട്ടുണ്ടെന്നും, ഇടതുപക്ഷത്തിന്റെയും വലതുപക്ഷത്തിന്റെയും എല്ലാ കുപ്രചരണങ്ങളെയും അതിജീവിക്കാനുള്ള ശക്തമായ സംഘാടന സംവിധാനവും എൻഡിഎ ഒരുക്കിയിട്ടുണ്ടെന്നും അദ്ദേഹം പറഞ്ഞു.