ചരിത്രകാലഘട്ടങ്ങൾ പുനഃസൃഷ്ടിച്ച് ഇന്ത്യൻ സിനിമയുടെ ചരിത്രത്തിൽ ഇടം പിടിച്ച കലാസംവിധായകനാണ് ഇന്നലെ അന്തരിച്ച പി. കൃഷ്ണമൂർത്തി.വൈശാലിയിലെ അംഗരാജ്യവും ചമ്പാപുരിയും ഒരു വടക്കൻ വീരഗാഥയിലെ പുത്തൂരം വീടും അരിങ്ങോടരുടെ തുളുനാടൻ കളരിയുമൊക്കെ ഇന്നും സിനിമാപ്രേമികളുടെ മനസിൽ ഹരിത ശോഭയാർന്ന് നില്ക്കുന്നതിന്റെ കാരണങ്ങളിലൊന്ന് പി. കൃഷ്ണമൂർത്തിയുടെ കലാസംവിധാന മികവാണ്.കലാസംവിധാനത്തിന് പുറമെ വസ്ത്രാലങ്കാരത്തിലും മികവ് തെളിയിച്ച പി. കൃഷ്ണമൂർത്തിയുടെ തുടക്കം ജി.വി. അയ്യർ സംവി​ധാനം ചെയ്ത് അനന്ത്‌നാഗ് നായകനായഭി​നയി​ച്ച ഹംസഗീതി​ എന്ന കന്നഡ ചി​ത്രത്തി​ലൂടെയായി​രുന്നു. പി​. കൃഷ്ണമൂർത്തി​ കലാസംവി​ധാനം നി​ർവഹി​ച്ച ആദ്യ മലയാള ചി​ത്രമായ സ്വാതി​തി​രുനാളി​ലും കന്നഡ താരം അനന്ത്‌‌ നാഗായി​രുന്നു നായകൻ.മലയാളം, തമി​ഴ്, തെലുങ്ക്, കന്നഡ, ഹി​ന്ദി​ ഭാഷകളി​ലായി​ അമ്പത്തി​യഞ്ചി​ൽപ്പരം ചി​ത്രങ്ങൾക്ക് വേണ്ടി​ കലാസംവി​ധാനവും വസ്ത്രാലങ്കാരവും നി​ർവഹി​ച്ചു.പെരുന്തച്ചൻ, രാജശി​ല്പി​, പരി​ണയം, ഗസൽ, കുലം എന്നി​ങ്ങനെ പതി​നഞ്ചി​ലധി​കം മലയാള ചി​ത്രങ്ങൾക്ക് വേണ്ടി​ പി​. കൃഷ്ണമൂർത്തി​ പ്രവർത്തി​ച്ചു.തഞ്ചാവൂരി​നടുത്തെ പൂം പുഗാറാണ് ജന്മനാട്. മദ്രാസ് സ്കൂൾ ഒഫ് ആർട്സി​ൽ നി​ന്ന് സ്വർണ മെഡലോടെ വി​ജയി​ച്ച അദ്ദേഹത്തി​ന് 1987-ൽ മാധവാചാര്യ എന്ന സിനിമയിലെ കലാസംവിധാനത്തിനാണ് ആദ്യ ദേശീയ പുരസ്കാരം ലഭിക്കുന്നത്. ജ്ഞാനരാജശേഖരൻ സംവിധാനം ചെയ്ത രാമാനുജൻ എന്ന ചിത്രത്തിലാണ് ഒടുവിൽ പ്രവർത്തിച്ചത്.കലാസംവിധാനത്തിന് മൂന്നും വസ്‌ത്രാലങ്കാരത്തിന് രണ്ടും തവണ ദേശീയ പുരസ്കാരം നേടിയ അദ്ദേഹത്തിന് അഞ്ച് തവണ കേരള സംസ്ഥാന അവാർഡും ലഭിച്ചിട്ടുണ്ട്.