ചെന്നൈ: തമിഴ്നാട് നിയമസഭാതിരഞ്ഞെടുപ്പിൽ മത്സരിക്കുമെന്ന് പ്രഖ്യാപിച്ച് നടനും മക്കൾ നീതി മയ്യം നേതാവും നടനുമായ കമലഹാസൻ. കഴിഞ്ഞ ലോക്‌സഭാ തിരഞ്ഞെടുപ്പിൽ കമലഹാസന്റെ പാർട്ടി മത്സരരംഗത്ത് ഉണ്ടായിരുന്നുവെങ്കിലും കമൽ മത്സരിച്ചിരുന്നില്ല. തന്റെ നിയോജകമണ്ഡലം ഏതാണെന്ന് പിന്നീട് പ്രഖ്യാപിക്കുമെന്ന് കമൽ വ്യക്തമാക്കി. തിരഞ്ഞെടുപ്പ് പ്രചാരണത്തിനു തുടക്കം കുറിച്ച് തെക്കൻ തമിഴ്നാട്ടിൽ നടത്തുന്ന പര്യടനത്തിനിടെ മാദ്ധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.

രജനികാന്തുമായി ചേർന്ന് പ്രവർത്തിക്കുന്ന കാര്യം പരിഗണയിലുണ്ടെന്നും കമൽ പറഞ്ഞു. 'രജനി എന്റെ എതിരാളിയല്ല. തങ്ങളെ തമ്മിലടിപ്പക്കാൻ പലരും ശ്രമിക്കുന്നുണ്ട്. ഞങ്ങൾ ഒരേവഴിയിലൂടെ സഞ്ചരിക്കുന്നവരാണ്.' - കമൽ പറഞ്ഞു.

അഴിമതിയെ ഉന്മൂലനം ചെയ്യുക എന്നതാണ് മക്കൾ നീതി മയ്യത്തിന്റെ പ്രധാന ലക്ഷ്യം. തന്റെ പാർട്ടിക്ക് ജനങ്ങൾക്കിടയിൽനിന്ന് ലഭിക്കുന്ന പിന്തുണയിൽ എ.ഐ.എ.ഡി.എം.കെയ്ക്ക് കടുത്ത ആശങ്കയുണ്ടെന്നും കമൽ കൂട്ടിച്ചേർത്തു.

ടോർച്ച് ലൈറ്റില്ല

തമിഴ്നാട്ടിൽ ടോർച്ച് ലൈറ്റ് ചിഹ്നം അനുവദിക്കണമെന്ന കമലിന്റെ പാർട്ടിയുടെ അപേക്ഷ തിരഞ്ഞെടുപ്പ് കമ്മിഷൻ തള്ളി. അധികം അറിയപ്പെടാത്തെ എം.ജി.ആർമക്കൾ കക്ഷിക്കാണ് ടോർച്ച് ലൈറ്റ് അനുവദിച്ചത്. പു
' തിരഞ്ഞെടുപ്പ് കമ്മിഷൻ ടോർച്ച് ലൈറ്റ് അനുവദിച്ചില്ലെങ്കിൽ ‌ഞങ്ങൾ ലൈറ്റ് ഹൗസ് ചിഹ്നമാക്കാൻ അപേക്ഷിക്കും. ഞങ്ങളെ വിശ്വരൂപമെടുക്കാൻ പ്രേരിപ്പിക്കുകയാണവർ.'- പാർട്ടി അദ്ധ്യക്ഷൻ പറഞ്ഞു.