ബോളിവുഡ് സിനിമ പ്രേമികളുടെ പ്രിയതാരമാണ് ഋത്വിക് റോഷൻ. വിവാഹ ബന്ധം വേർപ്പെടുത്തിയതിൽ തുടങ്ങി നിരവധി വിവാദങ്ങൾ ഋത്വിക്കിന്റെ പേരിൽ സമൂഹമാദ്ധ്യമങ്ങളിൽ ഇടം പിടിച്ചിട്ടുണ്ട്. ഇത്തരത്തിൽ ഒരു വിവാദമായിരുന്നു നടി കങ്കണ റണാവത്തും താരവുമായി
പ്രണയത്തിലായിരുന്നുവെന്ന വാർത്ത.

ഋത്വിക് തന്റെ മുൻ കാമുകനാണെന്നുളള കങ്കണയുടെ വെളിപ്പെടുത്തൽ ബോളിവുഡ് സിനിമമേഖലേയും ആരാധകരേയും ഒന്നടങ്കം ഞെട്ടിച്ചിരുന്നു.സംഭവം വിവാദമായതോടെ കങ്കണയ്‌ക്കെതിരെ ഋത്വിക് മാനനഷ്ടത്തിന് കേസ് ഫയൽ ചെയ്‌തു. ഇതിന് പിന്നാലെ ഋത്വിക്കിന്റെ പേരിലുളള ഇ-മെയിലിൽ
നിന്നും കങ്കണയ്‌ക്ക് അയച്ച സ്വകാര്യ ഇ-മെയിലുകൾ പുറത്തുവന്നിരുന്നു. എന്നാൽ ഇത് തന്റേതല്ലെന്നാണ്
ഋത്വിക്ക് പറയുന്നുത്. ഇരുവരും തമ്മിലുള്ള പ്രശ്‌നങ്ങൾ നീറിപുകയുന്നതിനിടെയാണ് ഋത്വിക്കിനെതിരായ കങ്കണയുടെ പുതിയ നീക്കം.

"അയാൾ സങ്കടകരമായ കഥ വീണ്ടും ആരംഭിച്ചു. ഞങ്ങളുടെ വേർപിരിയലും അയാളുടെ വിവാഹമോചനവും കഴിഞ്ഞ് ഇത്രയും വർഷങ്ങൾ പിന്നിട്ടിട്ടും ഋത്വിക് മറ്റൊരു ബന്ധത്തിലേക്ക് പോവാനും തയ്യാറാകുന്നില്ല.‌ഞാൻ വ്യക്തിജീവിതത്തിൽ പ്രതീക്ഷ കണ്ടെത്താനും ധൈര്യം ശേഖരിക്കാനും ശ്രമിക്കുന്നതിനിടെ ഋത്വിക് ‘അതേ നാടകം വീണ്ടും ആരംഭിക്കുന്നു. ഋത്വിക്ക് ഈ ചെറിയ ബന്ധത്തെ കുറിച്ച് പറഞ്ഞ് കരയുന്നത് നിങ്ങളെപ്പോഴാണ് നിർത്തുക? " കങ്കണ ട്വീറ്റ് ചെയ്‌തു.

ഋത്വിക്കിന്റെ ഇമെയിൽ ഐഡി ഉപയോഗിച്ച് കങ്കണയോട് അനാവശ്യമായി സംസാരിച്ച അജ്ഞാതനെതിരെ ഋത്വിക് റോഷൻ നൽകിയ കേസ് സൈബർ സെല്ലിൽ നിന്നും ക്രൈം ഇന്റലിജൻസ് യൂണിറ്റിലേക്ക് തിങ്കളാഴ്ച മാറ്റിയിരുന്നു. ഇതിന് പിന്നാലെയാണ് കങ്കണയുടെ പ്രതികരണം.

His sob story starts again, so many years since our break up and his divorce but he refuses to move on, refuses to date any woman, just when I gather courage to find some hope in my personal life he starts the same drama again, @iHrithik kab tak royega ek chote se affair keliye? https://t.co/qh6pYkpsIP

— Kangana Ranaut (@KanganaTeam) December 14, 2020