തിരുവനന്തപുരം: രാജ്യം ഉറ്റുനോക്കുന്ന തിരുവനന്തപുരം കോർപ്പറേഷനിൽ എൽ ഡി എഫും എൻ ഡി എയും തമ്മിൽ ഇഞ്ചോടിഞ്ച് പോരാട്ടം. എൽ ഡി എഫ് 22 വാർഡുകളിലും എൻ ഡി എ 13 വാർഡുകളിലുമാണ് ലീഡ് ചെയ്യുന്നത്. യു ഡി എഫിന് ആകെ നാല് സീറ്റുകളിൽ മാത്രമാണ് ലീഡ്. പാലാ നഗരസഭയിൽ ജോസ് കെ മാണിയുടെ വരവ് എൽ ഡി എഫിന് ഗുണമായി. ഏഴ് സീറ്റുകളിലാണ് എൽ ഡി എഫ് മുന്നേറുന്നത്.

 കൊടുവളളി നഗരസഭ ഭരണം യു ഡി എഫ് ഉറപ്പിച്ചു

 എൽ ജെ ഡി ശക്തികേന്ദ്രമായ അഴിയൂരിൽ യു ഡി എഫ് മുന്നേറ്റം

 തിരുവനന്തപുരത്ത് എൽ ഡി എഫ് മേയർ സ്ഥാനാർത്ഥിയായി പരിഗണിച്ചിരുന്ന പുഷ്‌പലത തോറ്റു

 കൊച്ചി കോർപ്പറേഷനിൽ ഡെപ്യൂട്ടി മേയർ തോറ്റു

 എം സി കമറുദ്ദീന്റെ വാർഡിൽ എൽ ഡി എഫിന് ലീഡ്

 കുന്നുക്കുഴി വാർഡിൽ എൽ ഡി എഫ് മേയർ സ്ഥാനാർത്ഥി എ ജി ഒലീന തോറ്റു. യു ഡി എഫ് സ്ഥാനാർത്ഥി മേരി പുഷ്‌പത്തിന് വിജയം

 പുതുപ്പളളിയിൽ യു ഡി എഫ് മുന്നിൽ

 തൃശൂരിൽ എൻ ഡി എയുടെ മേയർ സ്ഥാനാർത്ഥി ബി ഗോപാലകൃഷ്‌ണൻ പരാജയപ്പെട്ടു

 പത്തനംതിട്ട ജില്ലാ പഞ്ചായത്തിൽ എൽ ഡി എഫ് മുന്നിൽ

 കണ്ണൂർ കോർപ്പറേഷനിൽ അക്കൗണ്ട് തുറന്ന് എൻ ഡി എ വിജയിച്ചത് പളളിക്കുന്ന് ഡിവിഷനിൽ

 കൽപ്പറ്റ നഗരസഭയിൽ എൽ ഡി എഫ് മുന്നിൽ

 കോട്ടയം ജില്ലാ പഞ്ചായത്തിൽ ഷോൺ ജോർജ് മുന്നിൽ

 തിരുവനന്തപുരം വഴുതക്കാട് മുൻ ഡെപ്യൂട്ടി മേയർ രാഖി രവികുമാർ വിജയിച്ചു

 കോഴിക്കോട് എൽ ഡി എഫ് മുപ്പത് സീറ്റുകളിൽ മുന്നിട്ട് നിൽക്കുന്നു

 കൊച്ചിക്ക് പിന്നാലെ കോഴിക്കോടും യു ഡി എഫിന്റെ മേയർ സ്ഥാനാർത്ഥി തോറ്റു

 തൊടുപുഴ, കട്ടപ്പന നഗരസഭകളിൽ യു ഡി എഫ് മുന്നേറ്റം

 കൊച്ചി കോർപ്പറേഷനിൽ എൽ ഡി എഫും യു ഡി എഫും തമ്മിൽ ഇഞ്ചോടിഞ്ച്

 പൊന്നാന്നി മുൻസിപ്പാലിറ്റിയിൽ എൽ ഡി എഫിന് ലീഡ്

 തിരുവനന്തപുരം ജില്ലാ പഞ്ചായത്തിൽ എൽ ഡി എഫ് പതിനാറ് സീറ്റുകളിലും, യു ഡി എഫ് മൂന്ന് സീറ്റുകളിലും ലീഡ് ചെയ്യുന്നു

 തൃശൂർ കോർപ്പറേഷനിൽ എൽ ഡി എഫും യു ഡി എഫും ഒപ്പത്തിനൊപ്പം

 മലപ്പുറം ജില്ലാ പഞ്ചായത്തിൽ എൽ ഡി എഫിന് മെച്ചപ്പെട്ട പ്രകടനം

 നെടുമങ്ങാട് നഗരസഭയിൽ 15 സീറ്റുകളുമായി എൽ ഡി എഫിനാണ് ലീഡ്

 കോട്ടയം ജില്ലാ പഞ്ചായത്തിൽ പത്ത് സീറ്റുകളുമായി എൽ ഡി എഫ് മുൻതൂക്കം

 ഹരിപ്പാട് രമേശ് ചെന്നിത്തലയുടെ വാർഡിൽ യു ഡി എഫ് തോറ്റു

 വർക്കല നഗരസഭയിൽ ബി ജെ പിക്ക് അപ്രതീക്ഷിത മുന്നേറ്റം

 ആലപ്പുഴ നഗരസഭയിൽ എൽ ഡി എഫ് അധികാരത്തിലേക്ക്